串Grill 自助燒烤專門店 (廣華街) (Closed)

突然想食串燒但去居酒屋食串燒又唔太抵食，決定同男友試試懶人版串燒放題！訂咗傍晚五點嘅枱，打算黎嗰early dinner! 😋坐低之後啲店員好熱情咁同我哋介紹烤串燒嘅方法、品種同各種調味料。仲俾咗個餐牌上面寫着各種串燒烹調嘅時間，等我哋唔使驚食咗啲未熟嘅嘢食，非常之貼心！串燒嘅種類非常多，包括雞牛豬羊、海鮮、蔬菜、各種丸類、連甜品都有！雞牛豬方面：推薦牛舌、雞軟骨（must try!)、豬五花。海鮮方面：推薦墨魚咀同蜆肉。蔬菜方面：推薦菠蘿（燒完特別甜，建議燒5分鐘）、甜薯、車厘茄。丸類：可試試貢丸同墨魚丸，同平時打邊爐食落嘅口感唔一樣。甜品方面：可以試吓烤棉花糖，好似小朋友嘅甜品🤤醬料方面：店家特別調製嘅醬料取代蜜糖，冇蜜糖咁甜，但都好好味！飲品方面有各種茶類同汽水，任飲！