刺身🍣與沙律🥗
套餐由四款時令刺身拉開序幕，包括帶子、間八、油甘魚同三文魚，新鮮度高，刀功俐落。配上清新沙律，正好清一清味蕾。
主角登場：席前鐵板海鮮😋
活龍蝦🦞
師傅將生猛龍蝦席前處理，蝦肉爽彈鮮甜，配上用蝦頭熬製嘅濃郁醬汁，每一啖都係海洋精華。
活鮑魚
口感彈牙而唔韌，用清酒或牛油輕燒，更能帶出鮑魚獨有嘅鮮味同溏心質感。
鵝肝多士
鵝肝煎至外層焦香，內裡入口即溶，油脂甘香，配上香脆多士，口感一脆一軟，層次豐富。
牛肉薄燒
精選牛肉薄片，喺鐵板上快速燒熟，捲入炸蒜片或京蔥，牛味濃郁，肉汁豐盈。
野菜炒飯
師傅用鐵板上剩餘嘅肉汁同牛油快炒，飯粒分明，充滿鑊氣，吸收晒之前食材嘅精華。
味增湯
最後以一碗熱騰騰嘅麵豉湯作結，味道濃郁，為呢餐畫上完美句號。
