小火焰韓式咖啡廳 (觀點中心) (Closed)

觀塘站5分鐘距離嘅小火焰韓式咖啡廳下午茶時分都唔少人，不過要搵位都唔難，今日就試咗佢一份主食、小食，同特飲～芒果雪糕吐司（$38）吐司外層好香脆，內裡則有溫柔嘅質感，加埋花生醬等醬料，食起上嚟不論係邊個維度都有多種層次。芒果粒同士多啤梨，加埋雪糕，各自有各自嘅甜，令呢碟菜式充當甜品之餘都足以果腹！青蘋果熱情果梳打（+$28）驚人地大杯嘅梳打，加埋幾鍾意呢種大杯上面插住細樽，適合影相打卡嘅呈現方式。當然青蘋果同熱情果嘅果甜味加埋梳打嘅質感係一流嘅配搭。辛辣小杯年糕（+$10）話就話小，但其實份量十足！！而且辣度都不容忽視！！可以話係云云小食中嘅黑馬，性價比極高。———————————————#小火焰小火焰韓式咖啡廳 (觀點中心) (觀塘)觀塘觀塘道410號觀點中心1樓1號舖