Read full review
2022-09-07
63 views
今日同屋企人出去食飯,搵到喺灣仔駱克道有一間中菜餐廳。睇Comment都唔錯,就決定去試一試🤤入面嘅裝修同擺設好有中國嘅特色,但絕對一d都唔娘,仲幾有氣勢👍🏻。首先叫咗爸爸媽媽都好鍾意嘅黃金玉米雞蓉羹。十分清甜,有勁濃郁嘅雞同粟米味🤤。每一啖湯都有好多嘅雞肉同粟米粒。真係超級好飲👍🏻因為屋企人非常鍾意食叉燒,所以我哋仲叫咗見到有蜜汁叉燒皇同神級甜蜜蜜叉燒。🤣🤣先講蜜汁叉燒皇,肥瘦適中。唔會覺得好肥膩亦都唔會覺得好瘦。叉燒燒到有少少香口,而且非常嫩滑同好juicy。呢個真係好好味。原先嘅蜜汁叉燒皇已經好好食,再嚟就係神級甜蜜蜜叉燒。呢個爸爸媽媽食都讚口不絕👍🏻成舊叉燒外脆內軟。外邊燒到脆卜卜,入面肥膏同豬肉嘅比例啱啱好🤤。而且佢係成舊都包裹住叉燒醬。食落口真係超級惹味,真係忍唔住一舊一舊咁食👍🏻👍🏻我覺得最好味嘅就係神級甜蜜蜜叉燒。真係好似佢個名咁好神😆😆。連爸爸媽媽都話好食,或之後會再嚟,試其他嘅嘢食👍🏻
先講蜜汁叉燒皇,肥瘦適中。唔會覺得好肥膩亦都唔會覺得好瘦。叉燒燒到有少少香口,而且非常嫩滑同好juicy。呢個真係好好味。
我覺得最好味嘅就係神級甜蜜蜜叉燒。真係好似佢個名咁好神😆😆。連爸爸媽媽都話好食,或之後會再嚟,試其他嘅嘢食👍🏻
Post