樂天大喜屋 (Closed)

今日同朋友去開旺角行街，大家都係日本料理的愛好者，就當然要去食日式放題料理。今晚就去咗旺角的樂天大喜屋，首先坐位夠寬，地方夠大，冷氣充足。環境十分舒服。店員也很有禮貌。食物種類很多選擇，點完食物，又無漏單，值得一讚，上菜時間又算快。非常滿意。叫咗炒蜆，好入味道，蜆好新鮮，又香，汁又濃。刺身方面，又新鮮，賣相也很好，尤其三文魚，又有口感，又滑。非常好食。北寄貝也很新鮮，好鮮味。材料好有水準。炸物也做得非常好食，尤其炸雞翼，又脆脆地又熱，是即制的。手卷也做得好好食。芝士炸蠔，芝士味好濃，蠔又新鮮，一食再食，停不了。個人認為是必食的食物。至於飲品方面，選擇十分之多。實有一款適合自己，最後又有雪糕食，而且係哈根大師。特別好食。又有任食雪條。絕對是非常滿足和物有所值的一餐。