極尚大瀛喜日本料理 (Closed)

依家市面上既放題質素好參差, 今次係朋友介紹下就黎左呢間極尚大瀛喜! 雖然係午市, 但係都好多人排隊, 好彩我地早左黎, 等左一陣就有位! 相比起其他既放題, 呢度既環境佈置得幾令, 而且座位都好寬好舒適, 唔洗好似搭枱咁, 好岩同fd 黎一邊傾計一邊食. 餐牌上面有好多選擇, 真係好想全部都試晒! 點餐方面依家可以直接download 個apps, 既方便又環保! 係食主菜之前, 出面有好多小食既選擇, 食少少開一開胃先!主菜來了, 值得一提係呢度上菜既速度好高, 值得一讚! 先黎既有海膽手卷. 海膽既份量好足, 而且都幾新鮮, 入口即溶, 正呀! 之後就有呢個迷你花之戀, 三文魚, 飯, 同沙律醬既比例岩岩好, 唔會太creamy又唔會太滯, 食多幾舊都唔怕! 跟住就緊係到我最愛.愛.愛. 既刺身啦! 呢度既刺身真係算好新鮮, 而且唔係放係冰到太耐搞到凍冰冰. 每一塊既厚薄都幾適中, 一放入口果下真係超級滿足! 食放題最開心緊係見到成枱都係野食, 再慢慢諗食邊樣啦! 仲食左好多好多, 整體黎講每一樣既質素都相當高. 超級滿足既一餐! 下次放題一定會再黎!!