吉壽日本料理 (Closed)

放題我都食過好多間，但係我自己都比較喜歡呢一間，因為佢嘅飲品款式又多，熟悉有多，小食有多款，所以次次同親朋友食放題都會揀呢一間食。唔好講咁多，即刻嚟過刺身先，因為我哋兩個人食嘅關係，所以一次過唔會叫太多，我驚會食唔晒同埋太過浪費，我自己通常淨係食三文魚多，佢呢度啲三文魚係三文魚腩，厚切，所以其實食幾塊都已經夠晒，雖然夜晚人多，我哋等位都等左半個鐘，但係佢啲刺身都可以保持新鮮，確係唔錯。之後梗係要食佢哋嘅芝麻雞翼，芝麻雞翼炸到好香口，外脆內軟，仲要好多汁，呢個係一定要試吓嘅。焗帶子一係我最鍾意食嘅一道菜，不過女朋友就覺得麻麻地，佢覺得焗完出嚟太多油，不過我自己就覺得多油同埋嗰醬好好食。火炙壽司又係好好味，同埋必點嘅，我就一定唔會叫火炙三文魚腩，飯細細舊易入口，一啖一件，冇得彈。佢仲有好多款唔同嘅熟食，不過如果真係去食我建議多啲人去，咁樣可以食多幾款唔同款嘅食物，同埋一定要卜位，因為太多人了。