翠林辣蟹舫

Open Now

Now Closed

今日專登帶屋企人岀去食番餐，想搵間特色少少嘅餐廳，見到呢間餐廳有小菜之餘仲岀名食蟹，一於訂枱試試。蜜燒牛仔粒牛仔粒好香好juicy，連一齊炒嘅青瓜洋蔥都十分香甜。黃金流沙蝦球老闆推介嘅招牌菜，好有驚喜！酥脆外皮充滿濃濃嘅蛋黃香，裡面嘅蝦球鮮嫩爽口。屋企人個個讚不絕口！潮式酸菜水煮魚呢個同樣令我地驚喜，無諗過味道媲美食酸菜魚嘅專門店！而且魚係用上龍躉，非常鮮嫩彈牙，我地用埋湯黎撈飯，真心正！香辣醬油炒蟹+龍蝦主角岀場喇！賣相好吸引，蟹同龍蝦都好好肉，香濃醬油再加埋超多蒜，真係超級惹味！屋企人對呢餐好滿意！