Burgeroom (美麗華廣場1期) (Closed)

今日有時間慢慢食個午餐，突然諗起好掛住burgeroom嘅軟殼蟹漢堡包就走咗入去喇~餐廳有情調，闊落好坐。餐廳員工有禮貌，做嘢快手。我叫咗一杯蜜桃冰茶($38)。我鍾意佢唔會太甜，杯底仲有粒粒蜜桃肉碎。主菜就係鵝肝軟殼蟹漢堡($188)。超大個包，仲有原隻多膏軟殼蟹。鵝肝煎得啱啱好，好香。加埋生菜、蕃茄同沙律醬，好足料。旁邊伴菜加咗醋，酸味味可以解油膩。食漢堡包點可以無薯條？我叫咗個牛油果醬芝士薯條($62)。芝士醬好濃郁，加埋牛油果醬真係冇得輸。份量大到我食唔曬要打包拎走。總結係，有更好選擇就唔好再食M記喇~