港口味冰室 (Closed)

作為無飯主婦的我，晚餐最喜歡去茶餐廳搞掂，常去的就是屋企樓下的港口味冰室，這裏的小菜夠鑊氣又多款👍我就最鍾意食呢度嘅美極香煎牛仔骨煲，一上枱已經聞到香噴噴，滿滿的牛仔骨，陣陣的洋蔥香，睇見都流晒口水！而且這裏的煲仔份量很多，幾十蚊一個煲差不多有成十塊牛仔骨，絕對係抵食之選！而且牛肉炆得好琳好入味，配埋爽口清甜嘅洋蔥，一絕！呢度真係推介要試咸魚茸生煎肉餅，個人認為係王牌招牌菜！煎得脆邊嘅肉餅塊，每一啖都有淡淡然的鹹香鹹魚味，剛剛好不會over左，完全係偷飯賊😋呢度小菜仲會跟例湯白飯，通常我會加 $5轉油飯，因為油飯勁好味！而呢度啲例湯都好足料，今日煲椰子🥥合掌瓜湯，清潤又夠甜！