極尚大喜屋 (銅鑼灣廣場一期)

Open Now

Now Closed

今朝做嘢做到一肚氣，lunch要食好啲，嗱嗱聲book咗極尚大喜屋lunch放題，成人$188一位，抵食到呢👍🏻👍🏻👍🏻12:00去到原來已經好多人開梗餐，一入門口見到有好大個嘅汽水櫃，汽水咖啡茶類樣樣有齊，跟住仲有個熟食區、甜品區等等！坐低第一時間梗係要叫刺身、壽司先，而熟食方面都有好多選擇，有串燒、天婦羅、仲有中式小菜，例如蜜汁一口牛，羊架，比目魚，花膠等等，選擇多到呢！我仲叫咗個蟹粥食，雖然已經食到飽哂，但呢個粥真係好好味呀，真心推介！最尾梗係要食埋甜品啦，雪糕雪條種類繁多，另外亦都有木糠布甸，Tiramisu等小糕點，而我最鍾意食嘅就係豆腐花，沖繩岩鹽雪糕，為今日嘅lunch完美畫上句號。