後宮

Open Now

Now Closed

朋友同我黎呢個秘竇，食近期好hit嘅牛雜窩+火鍋，唔係講笑，個秘製蘿蔔牛雜窩真係份量足又好食。尤其是牛肺好爽、牛膀牛肚好入味、蘿蔔無渣仲好甜好淋。未食過咁正嘅魚皮，新鮮鯇魚皮真係好爽滑，夾埋薑蔥食好夾。一般海鮮例如珊瑚蚌、海蝦呢度都有，我地仲叫左皇帝苗，個牛雜湯底滲哂入菜入面，好正。有個特別嘅香茜鮮蝦餃，食落似平時飲茶嘅蝦餃，但個皮煙韌好多，都係好好味。白酒紅酒啤酒、自家製豆漿、可樂好多選擇，有得唱K，有vip房，基本上今晚食嘅野全部都好食。個場都幾岩一大班朋友黎。