尚八日式燒肉店 (Closed)

突然想食和牛燒肉，近近地就搵到尚八和牛放題，佢有6款A4和牛任食，分別有A4和牛三角，A4和牛前肩，A4和牛外腿，A4和牛胸腹，A4和牛冧，同埋A4和牛一口牛。所有部分一啲都冇因為任食而降低質素，叫左8，9轉都依然係咁靚咁高質！我最鐘意係和牛三角，油花好靚好均勻，脂肪好香入口即溶，不過就相對比較容易滯。另外入座會有一盤刺身，但其中只有三文魚同吞拿魚係可以任食。仲有海鮮可以燒，大蜆、扇貝，蝦之類都有，而且都唔細隻。因為主要係想黎食和牛，所以其他放題既食物就冇食太多，但其見餐牌都幾吸引。總括黎講，雖然係任食，但一啲都唔hea絕對可以再幫襯