65
2
1
8-min walk from Exit D, Tsuen Wan West MTR Station continue reading
All Branches (2)
Telephone
23889777
Opening Hours
Today
12:00 - 15:30
17:00 - 01:30
Mon - Sun
12:00 - 15:30
17:00 - 01:30
Payment Methods
Visa Master Cash UnionPay JCB
Other Info
Alcoholic Drinks
Phone Reservation
10% Service Charge
Review (71)
Level4 2019-12-26
7524 views
相信大家都知道如果一要出去食日本A4和牛的話,往往兩個人埋單都要過千幾兩千蚊。今日朋友就帶左我去位於荃灣站同荃灣西站附近去食約三百幾蚊左右價位既任飲任食放題了。佢哋嘅放題好抵食,有各種部位嘅日本A4和牛用上了新款燒烤爐,一個價位全包連飲品,加少少錢仲有刺身壽司任食。入去無幾耐就set好晒位給我們了。刺身拼盤首先來到的係刺身拼盤,刺身全部新鮮厚切,款式又多,食得出係不錯的好嘢來的。推介淡淡香濃嘅海膽,淡淡新鮮,成本高,味道好。其他刺身唔夠食仲可以任叫的。日本A4和牛有不同部位既A4和牛,牛淋肉,前肩肉,一口牛等等。味道入口即溶,新鮮香口,有口感,讚。推介牛三角同埋前肩肉。脂肪肥美,牛味香濃,有高級日式居酒屋風味。其他燒肉配料除咗和牛之外其實用佢嘅程式可以有各種唔同嘅日式燒肉配料任叫任食。例如有麵豉湯,嘢味嘅雞翼,口感一樣咁好嘅牛舌等等。鮮味十足既海鮮類放在爐上鮮味出晒來,讚好推介。飲品類方面另外佢有各種任叫任飲唔同類型嘅汽水,茶,仲有鴻福堂嘅特色果汁。為完美嘅一餐畫上完美嘅句號。 continue reading
(The above review is the personal opinion of a user which does not represent OpenRice's point of view.)
Level4 2019-12-06
6024 views
尚八位於12樓,一出電梯就見到肉櫃,入面放滿和牛唔同部位,令我未食已經流晒口水🤤一般放題店俾我嘅印象都係非常擁擠,枱同枱中間冇咩空間,但尚八既環境相當闊落,坐得非常舒服。以前放題下單都係用紙寫。隨着時代進步,大家只要scan嗰QR code可以下單,真係非常方便。我哋揀咗A4和牛放題,一坐低職員已經上左一份和牛拼盤,包括六個部位。最令我印象深刻有三個部位。第一係和牛外腿,油脂甚香,入口即化。第二係牛前肩,肉味濃郁,入口同樣即化。第三係和牛三角,肉質最嫩。大部份和牛部位都好出色,不過一口和牛粒比較遜色,肉味淡。除咗和牛拼盤外,刺身拼盤亦好快送上。賣相係咁多放題店中最出色,至少冇融雪既問題,顏色都好正常。海膽最令我喜出望外,味道幾鮮甜肥美。壽司種類同一般放題差唔多,唯獨尚八有和牛壽司,肉質幾軟稔,加左醬汁同蔥花更香。由於女朋友唔食海鮮嘅關係,我只係叫咗兩款海鮮,包括香草牛油帆立貝同虎蝦,品質中等至中上。黑豚肉方面,客人可以選擇厚切或者薄切。我個人更喜歡薄切,因為燒嘅時候更容易見到格紋,而且口感更脆。我同女友都試咗唔少小食同前菜,以下四款食物係我地認為值得encore。烏冬更加encore左四次。總括而言,每人平均唔駛$400就可以食到和牛,我認為非常超值。刺身、海鮮同烏冬亦不俗,令重新愛上放題。 continue reading
(The above review is the personal opinion of a user which does not represent OpenRice's point of view.)
Level4 2019-11-28
5386 views
開始凍喇,又係食燒肉既時候,今次去左楊屋道街市,荃灣citywalk 對面一棟商廈入面,好耐都無嚟過,靚左勁多棟大廈,仲有勁多餐廳選擇上到去,平日既7點已經8成full ,樓上店嚟講真係好誇張😅門口見到好多肉質好靚既和牛,所以我地今次食既都係和牛套餐一坐低已經有個刺身好快就有和牛嚟,仲任refill佢俾用QR code 俾你點既,你可以refill A4 和牛,牛舌,豬,海鮮,雞,羊,連豪都有。。仲有好多小食揀得每樣質素都好好,好對得住個價錢2人都係坐個卡位,好舒服,用餐時間120分鐘,嘢飲任拎如果有埋啤酒同唔甜既茶例如津露任拎就好喇😂😂😂我地就鐘意食既係A4和牛外腿,油脂分怖剛好,可以battle 我地喺神户既A5神户牛,依個價嚟講係好正!我地不幾encore 雞卑菇同蕃薯仔,佢地用香草牛油令到佢地好入味,正Fb打卡仲有松葉蟹食,一d 都唔hea,依個係外面壽司店食都6 .70元小食質素都好,個炸雞翼,餃子好好食!泡菜都正!依間好值得encore , 好坐,食物質素好,店員做嘢快有禮貌,有笑容,主動幫我地更換個爐網同碟拍拖,朋友聚會都好適合,如果個甜品變埋dreyers haggendas movenpick或雪糕糯米滋就完美😂😂 continue reading
(The above review is the personal opinion of a user which does not represent OpenRice's point of view.)
Level4 2019-11-19
4429 views
閏蜜成日嘈住要食燒肉, 今次滿足佢食燒肉既願望去左尚八既荃灣分店食A4和牛放題, 因為身邊朋友食過都幾推介餐廳地方都幾寬敞, 坐得幾舒服, 一到餐廳已經見到門口擺放住好多和牛好期待呀!!坐低冇耐之後店員就會上頭盤刺身有三文魚, 吞拿魚, 油甘魚, 帆立睇, 甜蝦, 仲有海膽添呀, 刺身都新鮮好味如果覺得唔夠喉既朋友可以加錢升級埋刺身放題, 食返夠本食完刺身之後, 我地都未開始燒, 食左個牛肉刺身, 真係好好味好耐冇食過牛肉刺身啦之後就開始燒肉, 首先店員會上左頭ROUND既肉類先, 總共有6款唔同既和牛部位全部都入口即溶, 好香既牛油係口控裡面, 真係好幸福呀, 好耐冇食過呢個口感啦除左牛肉之外點少得牛舌, 牛舌就緊係要厚切先好食尚八既牛舌係真厚切呀, 加埋少少鹽已經好好味啦除左肉類當然唔少得燒海鮮, 有蠔, 帆立貝, 大蜆, 虎蝦除左以上食品之外, 仲會有其他小食及熟食例如沙律, 芝麻雞翼, 一口芝士, 烏冬, 冷豆腐飲品都係任飲既,  咁高質既和牛好快就可以回返本啦如果餐廳可以供應埋甜品就更加美滿 continue reading
(The above review is the personal opinion of a user which does not represent OpenRice's point of view.)
Level4 2019-10-31
3923 views
和牛係香港食價錢通常都比較貴,所以多數都係飛日本先會食番轉估唔到原來有餐廳做和牛放題,計番香港倀既價錢,其實都算易翻本一上到去就會見到門口熟成區,睇落個樣好勁我地星期六bk 左七點食,連加一,大約每人都要$550, 唔包任食刺身依個價錢其實依家食到好多酒店buffet,但我地訂得比較急,所以附近buffet 全部都無位,一於一試和牛放題我地total 九個人,有獨立房,侍應都時不時會入黎收野,座位後面有位可以放袋和牛拼盤同刺身拼盤都係一開始就會上哂,唔駛自己用qr code 落單依度係食左d 先醒起要影相,大約比大家睇下送既種類和牛其實有成7-8 個部位,但一落到個燒盤,件件都差唔多樣,已經分唔出邊個打邊個整體係好食既,但唔係入口即溶個種,某d 部位會較鞋身同韌,有d 就好淋,但和牛始終比較肥,所以其實都快滯刺身新鮮,但都唔係最靚個d, 驚喜係會送海膽,因為其他長輩都唔係好食,所以我一個人食左差唔多一半,海膽好食~夠鮮自己order 既海鮮,你落幾多隻就送幾多隻,但我通常都落5-6 隻 試下好唔好食先再encore, 帶子size 唔算大粒,虎蝦size 都係一般般依個係男友點名要讚既鮮和牛,佢話她好食,好食過係韓國食既鮮韓牛同埋有一樣係意想唔到,我地九個人都一致認為最好食既燒雞翼!!!!可惜無影到相我地起碼叫左四次,每次上台都係勁熱辣辣,外脆內軟,入面好夠味又多汁,真係大讚!!!可惜無乜蔬菜類揀,粟米食左輪係唔甜,菇類可以埋單會送甜品,加埋一,大約五百幾蚊一個人, 竟係送依兩樣,仲要限一人一隻雀巢唔駛講, 椰子雪條隻味又係好假,真心依個價錢應該送d 好d野飲係雪櫃任拎,種類都多,綠茶,檸檬茶,百香果茶都有,而且細細支 continue reading
(The above review is the personal opinion of a user which does not represent OpenRice's point of view.)