中華小館

Open Now

Now Closed

呢個季節，又有得任食大閘蟹啦，近排好多餐廳都有教任食大閘蟹放題，好多選擇，我今日就揀咗去灣仔呢度食任食大閘蟹放題啦！佢個餐超抵，除咗有得任食大閘蟹之外，仲包咗好多其他特色嘅中菜！見到個Menu就吸引咗我！🦀大閘蟹終於上嚟啦，哇！大閘蟹超靚仔喎！蟹膏超多！😺急不及待，已經想即刻扒一啖蟹膏入口囉！蟹膏黏糯軟滑，口感較香濃幼滑，夠creamy，回甘味濃 ! ❤️蟹肉結實，yummy yummy😽 大閘蟹絕對冇呃秤，就算放題，大閘蟹size都好OK ！啲膏好多，又Creamy ！超正😗🤭蟹粉扒菜苗,超重蟹粉未，加埋啲翠綠色嘅菜苗，真係一流！食返啲蔬菜🥬調劑吓都係一個非常好嘅選擇！🤩個餐亦都包咗每位1份嘅鮑魚扣鵝掌，呢個餸真係好考師傅嘅功力，好唔好食就好睇過鮑魚汁整得好唔好！一食落去就覺得個鮑魚汁超濃郁，鵝掌炆得超林，索晒啲鮑魚汁仲有彈牙嘅鮑魚非常高質🥳甜品有黑金流沙包，啲流沙一直落個包到就流晒出嚟😏！亦都唔會太甜，個包蒸得超好，整到軟綿綿咁！好滿足