見到呢間有咁多好評就嚟食吓啲招牌野啦
佢嘅甲羅燒好出名
我哋叫咗招牌 有一粒鵪鶉蛋喺中間
員工會拎個爐去我哋張檯幫手燒
全程唔洗自己動手 啱晒啲閨蜜嚟傾偈
可以淨係等食😛
另外嗌咗燒蜆同鮑魚
鮑魚係新鮮到啲肉仲郁緊😱
蜆就好有海水味
另外仲分別嗌咗海膽帆立貝同木魚絲帆立貝
都係要燒嘅
我自己個人就比較鍾意木魚絲帆立貝
因為個汁惹味啲
刺身係一個驚喜 因為佢超級厚切
漁師2人前盛
食落口好有口感 冇筋 同埋好新鮮
刺身係必叫推介
最欣賞赤貝同埋拖羅！
三文魚壽司拼盤
個人認為三文魚籽同海膽比較出色😄
其他都正常
我哋嗌咗白桃梳打同菠蘿梳打
兩杯都唔錯
菠蘿梳打係有一整條冰菠蘿喺入邊
好正🤭
