Superior Manya Japanese Restaurant

好耐無食放題啦，今次推介呢間1個價錢就可以自選仼何時間食夠2個鐘都只係$298超抵食，因為我無特別中意食魚子醬，所以揀左A餐，A餐已經好夠食啦，有得自取湯、海鮮、熟食、壽司等等，好似食buffet咁😍叫既刺身有三文魚、劍魚腩、希靈魚、北寄貝、象拔蚌、赤貝、帶子、赤蝦、甜蝦等等，每款都新鮮好味，赤蝦夠大隻鮮甜😋另外仲有海膽手卷同埋海膽三文魚籽軍艦，所以好抵食，平時海膽都要另外加錢😓
我最中意就係食紅酒鵝肝士多啤梨撻，大推😋另外仲有煎鵝肝都好肥美😋😋必叫陳年果皮蒸鮑魚，有驚喜，好香陳皮味，而且好新鮮，仲有紐西蘭羊鞍係無蘇味嫁🥹都要叫❗️避風塘炒蟹同乳鴿都係推薦之選，勁大隻蟹🤤嫩滑乳鴿🤤呢個價錢仲有鮑汁燴花膠同蛇羹，真係好足料，不得了。至於甜品，中意食榴槤就唔好錯過，馬來西亞極品冷榴槤+極品榴槤千層蛋糕，2樣都好味，雪糕係仼拿嫁仲要係Movenpick同Haagen-Dazs❗️一定要來食❗️

遲d再來食過😋