The Cabin Cafe & Restaurant (Closed)

同老婆去完外島 返黎西貢seaech 網上飲食平台見到呢間餐廳 諗住book黎試吓，點知過咗時book唔到6點半果round 打去搏一搏，店員說ok照俾折同枱我哋，於是照去，結果造就我倆口子試到呢間餐廳，否則唔會特登行入黎，因不是位於一些必經之路。

來到餐廳，老闆細心招呼我地，由於我地剛行完山，好口喝，老闆好好地不停為我地添水。

食物方面，一流。叫左一個焗豬腩肉，一個牛肉批，加左8x蚊可跟餐，會有洋蔥湯/沙律，加飲品同甜品。食完後覺得超級值得加錢，淨係個甜品都抵返，而且沙律同湯都相當高質。

洋蔥湯+田園沙律

沙律的菜好新鮮，sauce好fresh,微微酸甜
洋蔥湯一流，上面加了一塊芝士多士，吸了湯，好好味。

蘋果醬焗豬腩

腩肉皮脆肉嫰，蘋果醬酸甜掌握得很好。值得一提嘅係皮𠝹了幾刀分成六份，正好方切開share食，非常貼心。

牛肉批

成世人第一次英式牛肉批，唔知咩黎，叫黎試吓，原來係面頭薯蓉，下面係牛肉碎加甘筍、蒜頭、迷迭香等，味道混和起來很和諧，好夾，無後悔試新野。

紅酒煮梨

甜品揀了紅酒煮梨同Tiramisu
紅酒煮梨入口酸甜消膩

Tiramisu  (拌baileys)

Tiramisu雖然唔係傳統Finger bread，但蛋糕底浸Baileys，味道非常濃厚，好好味！

兩個人連加一，計埋網上飲食平台主菜7折，total兩個人食左將近$600，人均唔駛$300，我地仲要嗌左杯白酒（又係好好飲，重果酸，不過無影相）食到嘅係Fine dining級嘅味道。
呢餐份量真係好足，味道一流，而且很有人情味
非常抵！
利申：非收錢寫食評，非打手
因為真心覺得呢餐個experience好正，而今晚餐廳大部分時間竟然得我老公婆，無其他客人，包場！到尾聲時（8點幾）先見有第二枱客（應該都係熟客）覺得呢間餐廳值得多d人識同幫襯。
總結：我唔係住西貢，下次去西貢郊遊完，一定會再黎呢間餐廳！