滿屋日本料理 (大鴻輝(荃灣)中心) (Closed)

今日同朋友慶生就簡左間放題，位於荃灣又方便大家放工同返屋企。上到去唔多人，好快有位，見到佢有部份自助區係要自取嘅，而且枱同枱之間位置好闊，唔會覺得好迫，我地兩人都可以坐到四人枱。必點壽司刺身， 刺身無漏單，好新鮮，仲有帶子，但榮螺反而搶左鏡，好鮮甜爽脆。仲有海膽同蟹膏手卷，細細個好迷你食多幾個都唔會好快飽。其他壽司都中規中矩唔會因為放題以降低質素。串燒整體不錯，牛舌大大舊有牛味，都不錯，但較大路，好難比較。天婦羅都好好味呀，仲有個松露炒雜菌，好惹味。佢仲有花膠呀，大大塊，好creamy,好重膠質，最岩女士。燒物熱辣辣，比目魚，青魚有調味，非常好食。一口牛剛剛好，不會過火。扇貝都好正呀，夾埋啲汁一齊食。最尾當然食個雪糕啦，超級大滿足。總結，上菜速度好快，食物質素不錯，店員大致有禮，無漏單，都算是性價比高的放題。