中華小館

Open Now

Now Closed

之前黎過試中華小館既鮑魚遼參乳鴿餐，今次一於試下佢地小菜，期待左成個星期，終於有得食😉！《椒鹽白飯魚》椒鹽味好香口，白飯魚鹹香，整個配搭好滋味😚～《燒汁木魚花茄子》茄子好軟腍，配試燒汁既香濃味道，加上乾身既木魚花，係口入面溶化，口感極佳😄，好食到飛起！《雙椒糖心皮蛋》呢個真係最愛最愛，糖心皮蛋入口融化，口感好似牛油係口度融化咁正，加上雙椒帶黎既香味，好惹味！《醬燒欖角骨》肉質鮮嫩多汁，鍾意食金沙骨既人必定喜歡😌，醬燒到好香，非常美味，未食都已經流哂口水！今次試既小菜全部都好惹味，店員又會特別推薦菜式及分享煮法，真係好友善🥰！