極尚大喜屋 (加連威老道) (Closed)

同事聚餐，之前訂咗七點，早到十分鐘，侍應小姐一個黑面，以責備的語氣話早到唔好，原來早到都係有錯，聽完侍應小姐訓話完後就不情願地引我們入坐，其實當時入面仲有位。入坐之後，寫紙點食物，當晚枱號為34，遞交單俾侍另一個侍應小姐，佢即時變成教官話枱號寫錯，係A34，要重新寫過，抱歉我係睇唔到枱號係有A字。上食物速度好快，可能枱比較細，或者我們進食速度太慢，侍應再上食物時發現枱面無位俾佢擺食物，佢又黑面企定等待，我們想方法騰出位置，然後再從侍應手上取食物再放在枱面。呢個情況反覆重演五至六次。唯一侍應無黑面情況係埋單同準時離開餐廳。食物質素唔差。如果要去呢間，大家要準時到達，唔好早到同遲到。問清楚枱號同埋要時時刻刻為枱面預留空位，咁就唔會為難職員，自然佢哋就會交出專業服務態度。