Burgeroom (美麗華廣場1期) (Closed)

收工想食漢堡，即時r左個同樣係尖沙咀翻工既朋友，近近地一齊食個晚飯。今次我地去左位於美麗華既burgeroom，裝修同氣氛都比較型格，同我之前食過既幾間感覺好唔同。menu有超多唔同肉類既漢堡可以揀，另外仲有all day breakfast同小食。飲品相對選擇少dd，但都有齊汽水，啤酒，果汁之類。黑松露芝士大啡菇煙肉牛肉漢堡超推！！滿滿既芝士，加上黑松露既香味，本身已經無得輸。而且大啡菇煎得香嫩多汁，牛肉漢堡亦保留到一定既肉汁係入面，肉質唔會好鞋，煙肉亦煎得香口。超滿足既一款漢堡！特量芝士牛肉漢堡岩先既係滿滿既芝士，呢個係滿瀉既芝士！睇圖就知有幾澎湃～而且芝士味香濃，仲係半溶既狀態，加埋帶肉汁既牛肉超好食！旋風薯條姐係我地成日見既扭扭薯條。雖然略為咸左少少，但係都新鮮好食。而且量多，cp值比某連鎖店高啦！蜜桃冰茶點個下我有少少擔心會唔會好甜，但飲品出到黎既味道十分好，唔會太甜，仲可以解膩。要特別提一提，佢地漢堡既size係同價錢成正比的。雖然價錢小貴，但size都係好巨大，所以細食人士要注意下，建議同朋友share一個包，再加配小食可能會更好～