Video
Read full review
2019-03-15
5765 views
年尾年頭特別多假放，俾咗個好時機我約朋友聚舊！今日都唔係例外，去咗銅鑼灣滿屋嘆日本料理！呢度個門面裝修得幾好，一入到去就係透明玻璃窗，印滿啲日式圖案，上面用擺滿櫻花，好有feel!要讚下呢度嘅設計，估唔到餐廳咁識運用空間，將一部份嘅海鮮、沙律、甜品、放咗喺自助corner！搞到我以為自己食緊buffet！自助corner有蝦、蜆、各式沙律、章魚小丸子等等。最surprise係竟然有木瓜燉奶！其他放題店好少食到咖！自助corner實在太多引誘，要好節制先可以留肚食正餐😅！首先叫畫2round 刺身，三文魚、吞拿魚、榮螺、帶子、蟹棒，鮮甜好味，肉質新鮮。特別係榮螺、 赤貝，肥美鮮嫩，口感有彈性，唔會有雪味，屬高質放題！熟盤方法，芝麻雞翼夠晒肥美，熱辣辣，外脆內脆，正呀！大家記得點蒲燒饅魚，皮薄肉厚，口感軟綿，我地點左幾round!芝士雜菇焗扇貝，芝士味香濃，多汁鮮嫩。天婦羅炸蝦、鹽燒蝦同樣滋味！特別係鹽燒蝦，燒到外殻薄脆，蝦肉彈牙！雞軟骨都係一個唔錯嘅選擇，有咬口！估唔到尼度有芝麻魚乾食，忍唔住叫咗幾條嘆下。尼度啲甜品不得了！各式jelly、cake 、泡芙、水果，仲要每款都好吸引！提下大
年尾年頭特別多假放，俾咗個好時機我約朋友聚舊！今日都唔係例外，去咗銅鑼灣滿屋嘆日本料理！呢度個門面裝修得幾好，一入到去就係透明玻璃窗，印滿啲日式圖案，上面用擺滿櫻花，好有feel!
要讚下呢度嘅設計，估唔到餐廳咁識運用空間，將一部份嘅海鮮、沙律、甜品、放咗喺自助corner！搞到我以為自己食緊buffet！
自助corner有蝦、蜆、各式沙律、章魚小丸子等等。最surprise係竟然有木瓜燉奶！其他放題店好少食到咖！
自助corner實在太多引誘，要好節制先可以留肚食正餐😅！
首先叫畫2round 刺身，三文魚、吞拿魚、榮螺、帶子、蟹棒，鮮甜好味，肉質新鮮。
特別係榮螺、 赤貝，肥美鮮嫩，口感有彈性，唔會有雪味，屬高質放題！
熟盤方法，芝麻雞翼夠晒肥美，熱辣辣，外脆內脆，正呀！
大家記得點蒲燒饅魚，皮薄肉厚，口感軟綿，我地點左幾round!
芝士雜菇焗扇貝，芝士味香濃，多汁鮮嫩。
天婦羅炸蝦、鹽燒蝦同樣滋味！特別係鹽燒蝦，燒到外殻薄脆，蝦肉彈牙！
雞軟骨都係一個唔錯嘅選擇，有咬口！估唔到尼度有芝麻魚乾食，忍唔住叫咗幾條嘆下。
尼度啲甜品不得了！各式jelly、cake 、泡芙、水果，仲要每款都好吸引！
提下大家，尼度啲密瓜、西瓜都好甜，點都要試一兩嚿！
除咗自助corner啲甜品，仲有Häagen-Dazs、Movenpick 、Fruttato 雪糕畀你揀！
我就食左道地綠茶同紅豆栗子麻薯Häagen-Dazs！尼隻味出面好小有，估唔到餐廳真係落足本！
野飲方面，同樣超多選擇，四個凍飲雪櫃，汽水、檸檬茶、啤酒，基本上你講得出嘅都有。但最近怎樣有熱飲corner，純黑豆奶、維他奶、熱薑茶、茶水任針，對女仔黎講好貼心！
呢度嘅食物質素同服務都非常唔錯，所以我已經約咗朋友計劃假期黎尼度食多餐！
Post
