美談韓國 (Moved) New Location

第二次來，今次來食lunch。平日下午一點半到，餐廳都坐左一半人。Lunch set好抵食，2個人叫左一個辣海鮮麵set（$70）同一個韓式壽司set（$47），每個set包2個前菜。另外加半份韓式炸雞（$70）。辣海鮮麵唔係真係太辣，香甜既海鮮湯味，但都係越食越辣但又停唔到口 韓式壽司正常，都有成10舊，其實好飽。炸雞最正，脆仆仆！附上韓式甜辣醬同淹蘿蔔 服務好好，特別係老闆，每個客埋單都會親自送客 每次去東薈城行街必食！