LeeLaksa

Open Now

Now Closed

由於疫情再次嚴峻，政府又開始咗晚市禁堂食措施。屋企煮得多今晚忍唔住叫咗海南雞飯外賣。食過咁多間海南雞飯，我個人最鍾意就係呢間嘅海南雞！佢嘅海南雞皮薄少肥膏，而且雞肉嫩滑！雞油飯嘅雞油味香濃又食落又唔會油膩。最正嘅係海南雞飯套餐包咗一碗湯品。可以揀喇沙、肉骨茶或者普通清湯。我基乎每次食都係揀喇沙，今次試一試肉骨茶。喇沙嘅湯非常香濃椰奶味特別重，而且有豆卜、魚片同米線等。而肉骨茶就帶點微胡椒香辣味，裏面仲有豬肚同埋排骨，肉質都幾腍。如果個湯嘅胡椒味可以再濃啲就Perfect了。貪心嘅我哋另外加咗一客咖吔多士，可惜因為外帶回家嘅關係焗到個麵包皮腍左，冇即場食咁脆咁好食。希望晚市堂食盡快恢復吧！