首先，榛子朱古力味道濃郁，難得榛子味重又唔甜，喝了有解喝既感覺。如唔想飲汽水，用佢黎配漢堡包和薯條都係一個不錯的選擇。
之後就好快黎埋牛油果醬芝士薯條，一黎見到好多牛油果醬芝士係鋪滿薯條上面，身為牛油果控的我，十分興奮。一食落口，脆脆既薯條再加上牛油果醬芝士食，簡直一流。估唔到唔點其他醬汁，都有意想不到的驚喜。可能芝士配左牛油果醬，所以食得多都無太漏既感覺。
兩個漢堡既份量都好勁，好厚身! 餐廳已經好貼心咁切開左一半先上，方便客人進食。有時食其他漢堡包，太厚又唔切開一半，真係有點難進食。
我就試左特量芝士牛肉漢堡先，一咬下去，就食到熱溶溶既芝士溶左係塊牛肉度，牛肉熟度剛剛好，好好味。再有埋番茄同生菜夾住，好juicy！整體黎講都好滿意！而個包皮都是軟軟的！
至於香脆鱈魚柳漢堡，塊魚柳外脆內軟，熱熱的與沙律醬汁溶埋一齊，再加埋番茄，好有層次感，食落去好新鮮，由於配合左沙律醬一齊食，所以無魚既醒味。整體來說，兩個包都好好食，值得一試！
