Video
Read full review
2018-07-19
35 views
香港食素既餐廳越開越多，除左傳統中式素食，亦有唔少新派素菜，而印度菜因為文化同宗教既關係，都有唔少素食選擇，今次同友人去到尖沙咀亞士厘道既Saravanaa Bhavan，試下地道既印度素菜。餐廳由印度人主理，有唔少印度客人同外籍人士，好有異國風味。侍應介紹我地試下特色既北印度咖喱，食之前送上香濃既餐湯，濃郁既湯完全唔似素食，Creamy 到好似飲緊肉湯，比較重香料味，而且好有胡椒香，飲完個人即刻火熱火熱。而侍應推薦我地既Saravanna Special Meal 係店家特製既，有好多款唔同既咖哩同配菜，分別有辣豆﹑雜菜鷹嘴豆﹑洋蔥酸乳酪等，再配上印度煎餅同白飯。雜菜鷹嘴豆，由唔少香料混合而成，食落唔會太辣。印度煎餅，中間都幾多空氣，食起來好鬆化好香口。小食方面就叫左個Daha Puri，即係酸奶薯蓉配炸圓餅，食起黎唔似食印度菜，冇任何油膩感之外，仲非常清新。上面有唔少酸乳酪，香草﹑洋蔥，好似食緊沙律咁，好特別！另外仲叫左一個北印度套餐，入面亦都有唔少配料，包括雜菜咖哩﹑鷹嘴豆﹑洋酸乳酪同炒飯等等。中間既炒飯加入多重香料，飯炒得乾身，粒粒分明。而烤餅好脆身，最啱夾埋咖哩食。而Mang
餐廳由印度人主理，有唔少印度客人同外籍人士，好有異國風味。
侍應介紹我地試下特色既北印度咖喱，食之前送上香濃既餐湯，濃郁既湯完全唔似素食，Creamy 到好似飲緊肉湯，比較重香料味，而且好有胡椒香，飲完個人即刻火熱火熱。
而侍應推薦我地既Saravanna Special Meal 係店家特製既，有好多款唔同既咖哩同配菜，分別有辣豆﹑雜菜鷹嘴豆﹑洋蔥酸乳酪等，再配上印度煎餅同白飯。
雜菜鷹嘴豆，由唔少香料混合而成，食落唔會太辣。
印度煎餅，中間都幾多空氣，食起來好鬆化好香口。
小食方面就叫左個Daha Puri，即係酸奶薯蓉配炸圓餅，食起黎唔似食印度菜，冇任何油膩感之外，仲非常清新。
上面有唔少酸乳酪，香草﹑洋蔥，好似食緊沙律咁，好特別！
另外仲叫左一個北印度套餐，入面亦都有唔少配料，包括雜菜咖哩﹑鷹嘴豆﹑洋酸乳酪同炒飯等等。
中間既炒飯加入多重香料，飯炒得乾身，粒粒分明。而烤餅好脆身，最啱夾埋咖哩食。
而Mango Lassi 亦都係我既最愛，每次食印度菜必飲，由新鮮既芒果同乳酪打成，非常香甜，女仔會好鐘意！
兩大個套餐加小食都係三百幾數，食素都可以好飽好滿足！
Post
