燒蝦蝦 (金福閣） (Closed)

近排大熱流水蝦， 見人就介紹得多，今次終於去咗元朗「燒蝦蝦」食流水蝦放題，自己夾自己燒，真係有得玩，又有得食，好過癮！ 餐廳都好大，環境仲好乾淨企理，食得好舒服，首先必吃就係大頭蝦，店員會提供一個筒去裝冰，方便凍暈啲蝦，太貼心！ 大頭蝦十分生猛，仲有好多膏，肥美鮮甜，正到爆！ 除了大頭蝦之外，海鮮區仲有勁多海鮮，包括有原條魚、螺、蜆、扇貝、生蠔、鮑魚同貴妃蚌，勁豐富！ 除了海鮮，仲有好多選擇，包括雞軟骨、豆角串，大菇、牛肉、豬仔骨、雞翼、腸同菠蘿等等。飲品方面， 我推介花茶區，可以自製花茶， 非常特別！ 當然有啤酒汽水啦！其實食物真係多不勝數， 仲有甜品，湯同小食等等， 大家一定食到捧住個肚走，最緊要係有2.5 小時任食，而且食物質素唔錯，真係好抵食， 可以encore 呀！ 燒蝦蝦 (元朗)元朗西裕街5-11號金福閣地庫