滿屋日本料理 (大鴻輝(荃灣)中心) (Closed)

大左真係少食左放題，但今次依間朋友推介話又平又好食，所以一於試吓佢。平日夜晚食都係$248加一，仲有清酒任飲，都幾爽！估唔到平日晚都坐滿咁濟，都真係幾好食。嗌得勁多掛住食都影唔切咁多！食放題一定要瘋狂食刺身，依到嘅刺身都幾新鮮，仲要選擇都多，最鐘意係甜蝦同大赤蝦，勁鮮甜同夠大舊！鹽燒牛舌都好好食，軟脆又有咬口，用鹽調完味岩岩好。另外都特別推介佢嘅芝士年糕，芝士味極濃，配埋年糕甜甜地咁好好味，雖然有啲濟呢個雪花肥牛煲又係好正，壽喜燒湯底，好甜，牛肉又夠嫩滑。最最最正係雪糕有movenpick 同haagendaze食，真係大滿足！依間放題真係幾好，可以再戰！