瀛豐放題料理專門店

最近同朋友去左瀛豐放題，今次我哋特登加配極品海鮮拼盤同海膽帶子套餐，雖然加$148，但絕對值回票價！係一坐底就上左兩碗湯俾我地飲，超足料海鮮拼盤嘅新鮮程度真係無得頂，特別係帶子，肉質彈牙又夠甜，啖啖都係海水嘅鮮味。加配埋海膽，味道香濃，入口即溶，完全唔會有傳統放題嗰種漁腥味，連平時唔食海膽嘅朋友都讚不絕口。其他刺身都好新鮮同厚切最令我驚喜嘅係海膽親子花之戀，呢道菜將海膽同三文魚子完美配搭，上層係滑溜溜嘅海膽，下層鋪滿三文魚子，食落去真係層次感十足！個海膽香濃得嚟又唔會太漏，三文魚子又夠新鮮，啲魚子響口腔爆開嗰下，真係好正，飯嘅分量都岩岩好，唔會好多食到好飽最後嗰個泰式炒椰菜苗就更加抵讚，直頭聽到師傅即場開火炒，上菜熱辣辣，最緊要係啲菜嘅火候掌握得啱啱好，夠爽脆又唔會過熟，配埋個泰式醬汁香辣開胃，完全冇放題嗰種「求其炒」嘅感覺。