高麗軒韓國料理 (Closed)

韓燒+食到飽真係無得輸。 今日韓燒達人約我食咗一間任飲任食嘅韓燒，真心推介。餐廳有超過70款食物任叫任食，飲品選擇又多，喜愛飲酒人仕，仲可以加錢暢飲一番，有啤酒同燒酒，我就至愛溝埋一齊飲，飲得很歡暢。鋪坐下便先點了前菜，有至愛泡菜同醃製蘿蔔、芽菜、青瓜等，絕無欺場。燒肉有多款選擇，我哋加了$68/位升級，可食到加拿大3A 雪花牛，肉質鮮嫩，超juicy牛味重有咬口。仲有再推介佢嘅羊架都唔錯，肉嫩好味😋，亦唔騷。帆立貝新鮮肉嫩，至喜愛的牛助骨湯嘅肉質非常軟淋，蘿蔔都好入味其他嘅牛肋肉，肉眼扒、牛舌，都醃得好味，夾埋生菜蒜頭一齊食，好似喺韓國食緊燒肉一樣。海蝦大隻新鮮。除咗燒物，我哋都叫咗好多熟食。有豆腐辣湯，熱辣辣味道調較得好好味😋，再叫咗煎雪魚，外皮脆口，肉質鮮嫩。可惜胃口有限，下次黎要試下佢哋嘅牛肉他他同其他食物。十分期待下次再到訪☺️。