Video
Read full review
2023-03-26
364 views
餐廳以「香江花月」🌙為名，顧名思義，聽個名就知係一間走懷舊路線嘅火鍋店🏮。為左營造50年代老香港嘅氛圍，餐廳嘅裝修落足心機❤️～荃灣分店係以舊香港嘅紡織業為主題，將火鍋店打造成懷舊紗織廠，牆身擺放左多部衣車同線轆，店內天花紡紗線縱橫交錯，交織成美麗嘅舊香港🌸。值得一讚嘅係餐廳座位非常寬敞，樓低又高，唔會有壓迫嘅感覺。一坐低，店員就俾左杯茉莉花雪梨茶我地，茶杯好精緻，係有條小錦鯉，等你可以慢慢睇餐牌揀野食☕️。\ 🐚辣汁花蛤鍋🍲 ($298) /湯底點左花蛤鍋，但落單嘅時候店員話花蛤無貨，只能以沙白代替。湯底有什菇🍄、蕃茄🍅、西芹，而沙白數量不多，數過得10幾隻，唔係特別肥大，所以湯底完全無海鮮嘅甜味，反而似係蕃茄湯，酸酸地，辣味亦都好輕微，不推介🙈！\ 🐮香江拼 ($798) /火鍋料方面，我地點左呢個最啱打卡，而且牛肉款式又多嘅香江拼，基本上黎得呢到打邊爐嘅人都會點。一上枱就忍唔住相機食先📸，大木盤上放左各款唔同部位嘅牛，包括安格斯肥牛、牛柳粒、牛小腿、牛脷、黑柏葉、手切肥牛、牛白肉、牛心頂，總共有8款，而且擺盤有心機，加埋以真花襯托，真係好igable😆～值得一讚嘅係餐廳提供QR co
香江拼
19 views
0 likes
0 comments
值得一讚嘅係餐廳座位非常寬敞，樓低又高，唔會有壓迫嘅感覺。一坐低，店員就俾左杯茉莉花雪梨茶我地，茶杯好精緻，係有條小錦鯉，等你可以慢慢睇餐牌揀野食☕️。
\ 🐚辣汁花蛤鍋🍲 ($298) /湯底點左花蛤鍋，但落單嘅時候店員話花蛤無貨，只能以沙白代替。湯底有什菇🍄、蕃茄🍅、西芹，而沙白數量不多，數過得10幾隻，唔係特別肥大，所以湯底完全無海鮮嘅甜味，反而似係蕃茄湯，酸酸地，辣味亦都好輕微，不推介🙈！
\ 🐮香江拼 ($798) /火鍋料方面，我地點左呢個最啱打卡，而且牛肉款式又多嘅香江拼，基本上黎得呢到打邊爐嘅人都會點。一上枱就忍唔住相機食先📸，大木盤上放左各款唔同部位嘅牛，包括安格斯肥牛、牛柳粒、牛小腿、牛脷、黑柏葉、手切肥牛、牛白肉、牛心頂，總共有8款，而且擺盤有心機，加埋以真花襯托，真係好igable😆～值得一讚嘅係餐廳提供QR code，scan完係可以睇到每款牛肉係咩，亦有介紹要煮幾多分鐘，不過店家建議嘅時間好似過長，食客可以自行設調整。牛肉算係高質，而且份量多👍🏻推介安格斯肥牛、牛脷、黑柏葉，另外有2個比較特別嘅部位牛白肉、牛心頂，個人就認為一般。
\ 🦑一口蟹籽墨魚滑 ($78) /墨魚滑份量多，蟹籽亦唔吝嗇，食落爽口彈牙非常新鮮😋
另外仲叫左響鈴、皇帝菜、栗米🌽，響鈴脆口，皇帝菜新鮮，唯獨栗米一般，唔甜亦唔多汁，不推。
\ 🍑桃花緣 ($88) /
飲品方面，叫左桃花緣，店員奉上嘅時候，會即時用槍整個煙燻氣泡🍹，氣泡爆破之後會飄來陣陣桃嘅香氣🌸，岩晒打卡。以為呢d打卡飲品味道會一般，但飲落又幾好味，佢裡面有自家製嘅桃肉Jelly，再配上乳酸同梳打汽水，非常有口感。
總括黎講，餐廳食物質素唔錯，而且店員服務好好，最驚喜嘅係佢嘅抽氣超好！平時打邊爐想影張相都會好大煙要熄細d，但呢到完會唔會有呢個問題，食完2個幾鐘火鍋，個身都完全唔會有味！想舒舒服服打下邊爐傾下計，香江花月係一個好好嘅選擇～🤓🤓
Post
