天 · 悠蔬食 (Closed)

餐廳裝修好靚~粉嫩顏色主題好fancy🎈尤其係個天花，藍天、白雲、熱氣球真係無論大人定係小朋友都一定好鍾意座位亦都好闊落，坐得舒服店員都好細心，一坐低就問想要熱水定凍水～牛油果南蠻炸菇丼 配日式胡麻蕃茄 $188一枱好靚～牛油果粒加沙律醬呢個組合冇得輸！炸菇有6大舊，分量好多～😎炸粉係薄薄地一層，外脆內軟咬開炸菇入面係一絲絲，其實口感黎講真係幾似食緊肉😂重點舊菇出奇地唔覺得油，算幾爽！胡麻醬蕃茄好清爽，另外仲有醃蘿蔔同酸薑我覺得餐廳係食物配搭方面比較細心，係炸物主食配上比較清爽解膩嘅小食意大利牛肝菌乾燒伊麵 $178伊麵幾有驚喜，煮得啱啱好唔會太淋，伊麵煙韌彈牙～而牛肝菌好香，味道好濃郁，原來配伊麵係咁夾嘅😜 好多時食伊麵個都會太濕，呢度個汁收得啱啱好，做到真正乾燒伊麵效果😋而分量都幾多，男仔都食得飽🤪前菜、湯 +$20姬松茸椰子黃耳竹笙燉湯湯料好多，除咗湯名嘅材料仲食到有雪蓮子～湯超級甜～好難得素湯都可以咁濃咁甜中湯係必試呀‼️上海涼拌素海蜇素海蜇其實係蒟蒻嚟嘅，另外加咗青瓜片口感更加爽口，麻油味都幾香～微微辣幾開胃跟餐仲包咗甜品同飲品宇治抹茶紅豆椰汁糕椰汁糕幾香，抹茶味都幾重，重點不