上次Po係土瓜灣食過呢間夢の丼評價好好
見到原來西環都有分店 咁就腳一於去食返餐好嘅!😆
.
🌟夢之丼 ($298)
同餐廳一樣名 相信係招牌菜🤓
材料非常豐富 有大大粒嘅帶子、海膽、松葉蟹蟹肉、三文魚籽、三文魚蓉、牡丹蝦同埋右口魚邊
用上嘅海鮮都係好受歡迎 可謂夢幻組合🤩
其中我最鐘意帶子同牡丹蝦 好有鮮味🦐
帶子更特意配上橙醋食用 令味道加添層次🍊
.
🌟花錦魚生丼 ($94)
呢個魚生丼都好出色 依家只係半價所以係性價比之選
材料一樣多款式 有三文魚、三文魚籽、赤蝦、白身魚、櫻花蝦、蟹膏等等
面頭仲有好吸引嘅玉子漬 🥚
而且我地留意到餐廳d飯唔係白色 而係啡紅色
抬頭一望先見到有poster介紹係赤醋飯
食落又真係比起平日嘅壽司飯味道更濃郁
.
🌟真鯛刺身 ($68)
呢款真鯛有一面輕輕灸燒過
令人同時間食到灸燒同刺身 味道相當多變
.
🌟池魚刺身 ($68)
池魚獨特嘅爽口口感完全發揮到出黎 食落唔油膩
.
🌟右口魚邊壽司 ($28@1)
呢款壽司經過灸燒 令右口魚軟腍得黎又有油香
相信都係用上赤醋飯 所以飯同魚睇起黎差唔多顏色 好特別
.
🌟蟹黃醬蟹膏豆腐 ($58)
作為蟹嘅愛好者一見到蟹膏就忍唔住點😋🦀
呢幾件豆腐雖然細細粒 但係佢有極濃郁嘅蟹膏
每一口都有幸福嘅感覺🥰
.
🌟磯燒帶子 ($68)
食完刺身帶子都想試下磯燒口味
質地實淨 而且放係檸檬上面令帶子都有淡淡的檸檬味🍋
.
餐廳以木色做主題 好日系同有溫暖嘅感覺
而且丼飯仲附送沙律同湯 已經同套餐差唔多 都幾豐富
1
