菜菜鍋 (Closed)

本身想食燒肉，但多人，見到呢間無乜人所以睇下見價錢都ok又無食過，所以試下.肉：揀咗$188個款牛肉套餐 一開頭會俾大約四碟牛同豬你質素幾好喎，牛肉油脂分佈都算平均，唔會勁薄勁碎！幾有牛味，豬都好食，後來再嗌既質素唔會差好多🤤.湯底：揀咗壽喜燒同蕃茄壽喜燒甜甜地越食越好味，啱曬煮牛肉蕃茄唔夠濃，但可以去配料區拎蕃茄落！.配料區：都係菇，菜，丸，但選擇好少仲要連芝士腸墨魚丸呢啲都係唔好食😖黎任食就係為咗啲配料架嘛🤦🏻‍♀️.熟食區：反而熟食有驚無險，炒雜菇好好食！有冬瓜薏米湯，正仲有綠豆沙，好驚喜😂.有雪糕同配料，仲有熱茶汽水。