金飯館叄·零 咖哩·干炒牛河專門店

叫咗沙嗲牛肉煎腸粉同埋兩碟炒飯，要求侍應姐姐比辣椒醬，點知佢拒絕。走去前台問嗰位姐姐都係話唔可以，話係餐廳規矩一定要叫乾炒牛河先可以比辣椒醬，只係肯比辣椒油我哋。餐牌亦都冇寫明有呢個政策。
侍應姐姐亦都冇嘗試解釋，我哋話俾錢要辣椒醬佢亦冇反應。
講到食物質素，平心而論真係非常一般。肉餅係厚但又乾又嚡，炒飯完全唔香口。沙嗲牛肉亦唔覺得做得有啲咩過人之處。
做生意做到咁 非常荒謬。慕名而來失望而去。仲要等位 真心不值得。