蛇羹套餐包括一碗蛇羹、一碗蛇湯、一碗單腸糯米飯、單腸另上，有幾條菜墊底。
用料依然，多蛇肉，夠味，伴埋薄脆、檸檬葉，一流！
糯米飯一般，但潤腸好惹味，食得好飽！套餐今年$52一個，老板話無辦法，來料貴左，加小小價。
老婆其實唔食蛇，次次都要食第D野，今次食羊腩飯；因飯另上，可以要少D，適合OL，我老婆真係要左小半碗咋！羊腩好滑，仲好大碟，老婆話今年食3次，連酒樓羊腩煲都唔夠呢度二十幾蚊羊腩件數多！
因今次想影張全套餐相，所以一齊上，食到最後碗蛇湯唔熱，差少少！其實一般呢度套餐先上蛇羹，食完用番隻碗裝番蛇湯，熱辣辣，去食記得講"蛇湯後上"。
仲有碟油菜，好關照，問清多定少定走油，蠔油又可以另碟上，服務親切又殷勤。
埋單原價$97，今次減$5，收$92，雖然套餐加價，但係都仲係覺得物有所值！
