Video
Read full review
2017-11-09
5529 views
名館今晚朋友帶我去食一間好特色嘅fusion 中菜，星期日晚上嘅中環真係好舒服，嚟到擺花街，周圍都好清靜，少咗九龍區嘅繁忙，可以舒舒服服咁樣食一餐。裝修簡潔摩登，潔淨明亮。呢間餐廳有別於一般嘅傳統中菜，以精緻嘅賣相，配搭傳統中菜，一種時尚嘅感覺。後來同侍應傾計，原來呢間係明苑集團嘅旗下其中一間餐廳，難怪品質都有保證。名館叉燒王$88厚切叉燒好吸引，個人喜愛食肥叉燒，叉燒肥瘦適中，脂肪比例勻稱，唔會太過軟稔好似綿花咁，叉燒表面蜜糖清甜，入口又鬆化。宮廷點心盤$188呢一個點心盤，簡直係呃like嘅首選，非常吸晴點心盤有其實係一個四層耳目製成嘅原價，富有中國嘅特色，揀上共有六款嘅冷盤、甜品同鹹點，上層係一隻以天鵝造型嘅紫薯餡點心酥餅，有啲似蘿蔔絲酥餅，紫薯餡唔算太甜，賣相同味道俱佳。金銀蒜蒸娃娃菜$68特別欣賞娃娃菜上面嘅蒜蓉，因為係先爆香再蒸，好似我哋平時蒜蓉粉絲嘅蒜蓉味道一樣好香口。飯焦鳳尾蝦$108呢個炒飯賣相當精緻，竹制嘅手柄營造出一個藤籃嘅效果，造型特別。味道方面，炒飯每一啖都夾雜着已炸香的糯米，飯底炒得好乾身，絕不油膩，加入已炸香嘅糯米，令炒飯增加左不同層次嘅口感，值得一讚。半
今晚朋友帶我去食一間好特色嘅fusion 中菜，星期日晚上嘅中環真係好舒服，嚟到擺花街，周圍都好清靜，少咗九龍區嘅繁忙，可以舒舒服服咁樣食一餐。裝修簡潔摩登，潔淨明亮。呢間餐廳有別於一般嘅傳統中菜，以精緻嘅賣相，配搭傳統中菜，一種時尚嘅感覺。後來同侍應傾計，原來呢間係明苑集團嘅旗下其中一間餐廳，難怪品質都有保證。
名館叉燒王$88
厚切叉燒好吸引，個人喜愛食肥叉燒，叉燒肥瘦適中，脂肪比例勻稱，唔會太過軟稔好似綿花咁，叉燒表面蜜糖清甜，入口又鬆化。
宮廷點心盤$188
呢一個點心盤，簡直係呃like嘅首選，非常吸晴點心盤有其實係一個四層耳目製成嘅原價，富有中國嘅特色，揀上共有六款嘅冷盤、甜品同鹹點，上層係一隻以天鵝造型嘅紫薯餡點心酥餅，有啲似蘿蔔絲酥餅，紫薯餡唔算太甜，賣相同味道俱佳。
金銀蒜蒸娃娃菜$68
特別欣賞娃娃菜上面嘅蒜蓉，因為係先爆香再蒸，好似我哋平時蒜蓉粉絲嘅蒜蓉味道一樣好香口。
飯焦鳳尾蝦$108
呢個炒飯賣相當精緻，竹制嘅手柄營造出一個藤籃嘅效果，造型特別。味道方面，炒飯每一啖都夾雜着已炸香的糯米，飯底炒得好乾身，絕不油膩，加入已炸香嘅糯米，令炒飯增加左不同層次嘅口感，值得一讚。
半份麻雀十三么$68
呢個甜品賣相真係好特別，其實係椰汁糕嘅面陳，底層係桂花糕，買相就好似一隻麻雀一樣，最特別係椰汁糕嘅面上，貼上一張食用肚餓，所以佢嘅賣相更加活靈活現，活像一隻真嘅麻雀。不過味道相當一般，糕點整體唔算好柔滑，桂花同椰汁味亦都略嫌不足，但係賣相絕對合格有餘。
Post
