Le Viet (Closed)

朋友唔單止向我介紹過呢間餐廳，仲同我推介佢嘅「牛油蝦」話係必食，今日喺旺角，就專登去試吓😁原來全名係「牛油焗大頭蝦」$228，我仲叫咗$62嘅「鹹魚炒芥蘭」同$28嘅「椰汁紅豆冰」😄「鹹魚炒芥蘭」先上，芥蘭菜好新鮮，加鹹魚、蒜頭、薑絲一齊炒，簡單又美味😋「牛油焗大頭蝦」上枱嘅時候，我幾乎嘩咗一聲，仲以為上錯咗隻龍蝦俾我😆，真係好大隻😁，個presentation亦都非常立體，賣相係威係勢😆；呢隻越南大頭蝦喺炸過之後，加上牛油同大量蒜頭再烤焗，超級香口，大頭蝦肉質結實，仲有少少膏，亦好似食到有啲啲鹹蛋黃，真係極惹味😋非常滿足嘅一餐😋😆