Read full review
2019-05-22
10113 views
又係搵間方便餐廳同呀妹撐檯腳嘅時間,第一次上黎彌敦道726頂樓,原來可以俯瞰旺角景,好有居高臨下嘅感覺。前菜選擇幾多而且配搭新鮮,我地決定要試兩種。牛油白酒煮藍青口伴法式薯條藍青口幾大粒,醬汁加入番茄同西班牙辣肉腸,微辣,薯條係粗薯,熱食好滋味。香煎蟹餅件藜麥蒜泥蛋黃醬蟹餅份量幾大,兩個人分享都夠滿足,面層炸得香口,內裡啖啖蟹肉,蒜泥蛋黃醬同蟹肉勁夾,檸檬放喺小工具入面,唧檸汁都唔會整污糟隻手,好貼心。是日餐湯係周打蜆湯,除左蜆肉之外仲加入左洋蔥同三色椒,三色椒經過處理只剩甜味,冇左我最怕嘅苦味同草青味,湯質地creamy,配埋熱辣辣香草包一齊飲幾唔錯。意大利手卷意粉伴野菌、辣肉腸及巴馬臣芝士野菌有幾種,所以菇菌味道多元化,意大利手卷意粉幾有咬口,芝士份量岩岩好,加入香味之餘唔會太滯。甜品又令我地選擇困難,一人揀左一個,後來發現兩款都好有視覺效果!檸檬意大利軟芝士泡沫伴草莓雪芭一上檯我地即刻嘩一聲,好有仙氣,檸檬意大利軟芝士泡沫口感輕滑,好似食芝士蛋糕嘅light版,草莓雪芭有香濃新鮮草莓味,仲配上幾塊草莓蛋白脆增加層次感,呢個甜品我地好滿意,就算已經食到好飽都可以照叫,兩個人shar
又係搵間方便餐廳同呀妹撐檯腳嘅時間,第一次上黎彌敦道726頂樓,原來可以俯瞰旺角景,好有居高臨下嘅感覺。 前菜選擇幾多而且配搭新鮮,我地決定要試兩種。
牛油白酒煮藍青口伴法式薯條
藍青口幾大粒,醬汁加入番茄同西班牙辣肉腸,微辣,薯條係粗薯,熱食好滋味。
香煎蟹餅件藜麥蒜泥蛋黃醬
蟹餅份量幾大,兩個人分享都夠滿足,面層炸得香口,內裡啖啖蟹肉,蒜泥蛋黃醬同蟹肉勁夾,檸檬放喺小工具入面,唧檸汁都唔會整污糟隻手,好貼心。
是日餐湯係周打蜆湯,除左蜆肉之外仲加入左洋蔥同三色椒,三色椒經過處理只剩甜味,冇左我最怕嘅苦味同草青味,湯質地creamy,配埋熱辣辣香草包一齊飲幾唔錯。
意大利手卷意粉伴野菌、辣肉腸及巴馬臣芝士
野菌有幾種,所以菇菌味道多元化,意大利手卷意粉幾有咬口,芝士份量岩岩好,加入香味之餘唔會太滯。
甜品又令我地選擇困難,一人揀左一個,後來發現兩款都好有視覺效果!
檸檬意大利軟芝士泡沫伴草莓雪芭
一上檯我地即刻嘩一聲,好有仙氣,檸檬意大利軟芝士泡沫口感輕滑,好似食芝士蛋糕嘅light版,草莓雪芭有香濃新鮮草莓味,仲配上幾塊草莓蛋白脆增加層次感,呢個甜品我地好滿意,就算已經食到好飽都可以照叫,兩個人share一個唔會太飽,又睇得又食得。 火焰朱古力球
店員先將甜酒點火,一淋落去朱古力慢慢溶化,入面嘅雲尼拿雪糕同埋brownie蛋糕漸漸浮現。用上黑朱古力,甜度岩岩好,加入酒令朱古力更濃郁,雲尼拿雪糕係有雲尼拿籽架,間中可以食下伴碟嘅野莓清一清味蕾。呢度嘅甜品真係出色又有趣,有驚喜。
呢度亦有為French May而設嘅特別menu。
Post