蓮香樓 (Changed Hand) New Restaurant

好多年前黎食已經好差， 食物質素一般，服務態度超級惡劣，無論中午同晚飯都一樣咁差。 幾年前仲衰埋單用燒鴨扮燒鵝 ，臭名遠播。根本列入黑名單唔會再嚟。點知今日我老母同我講話好多年冇嚟飲茶想試下，我同佢講:唔好嘞啩你實食到好嬲㗎！嘢又唔好食又逼。不過見佢幾廿歲人咪還下佢心願囉。今日去到果然不出我所料，人多不過超過一半係遊客，搵到位坐低，等極都冇人哋執位同開茶。過去叫佢阿叔唔該幫幫手、佢答你:等下啦！如果唔係我老母響度我一定即刻開波打九佢。佢跟住啲點心梗係求奇啦，污糟邋遢又唔好食。我勸籲各位本地人真係唔好去呢啲舖頭。