串Grill 自助燒烤專門店 (廣華街) (Closed)

而家隔幾日先出得街食飯，所以今次同朋友出嚟食晚飯都要食得好啲😤呢間串燒合晒我哋呢班食肉獸嘅心意🤣有好多肉類選擇😍一入鋪頭店員就用消毒噴霧為大家雙手消毒，又提供抹手紙俾大家收埋個口罩，好鬼貼心❤️店員首先問大家係咪第一次嚟食，如果係嘅話佢就會好有耐性咁樣為食客講解👍🏻有各款食物嘅燒烤時間就唔驚啲食物唔熟或過熟啦有三款醬汁俾大家，包括沙嗲，泰式魚露同韓式燒烤醬。我個人比較鍾意食沙嗲因為花生味好濃！另外佢都有啲味粉俾大家，例如孜然粉同幼鹽平時燒烤我哋會用蜜糖，但係呢度有秘製嘅燒烤醬代替，同樣係甜甜地😋有兩個冰櫃嘅飲品任飲第一轉係全肉宴！豬五花肥瘦均勻，好香油脂味之餘又唔會食到成口油我最愛嘅牛舌好爽口！肉眼好嫩，而且牛味濃之後終於有啲蔬菜😂台灣腸燒到好有肉汁🥰菠蘿係新鮮嗰款，清甜多汁，解油膩日本甜薯係我另一至愛，encore左好多round😈