Video
Read full review
2021-07-07
15 views
今日星期一中午2點，同男友來食M5和牛燒肉放題，因為最近有優惠，午市買一送一，我地揀左「霞」套餐，二位總共$478，可以食足120分鐘放題。先送上套餐，有鮑魚、韓風瓷壺醬酒牛肋肉，呢2樣無得要添加，但M5和牛西冷、芝士雞肉、豚肉、比目魚西京燒、味淋魚干、刺身，就可以任點任食。五點刺身有肥美油潤三文魚、鮮甜嫩滑甜蝦、甘甜脆口希靈魚、嫩腍鮮味帆立貝、彈牙八爪魚。仲有好幾款刺身選擇，都好豐富。濕式熟成 M5和牛西冷，油脂豐富，經熟成後，牛味濃郁，入口充滿牛脂香，燒熟更顯油潤多肉汁，可以任食太正，我地添左幾次。餐廳係座位旁有教燒法，非常貼心。鮑魚要燒肉身個邊先，因為燒殼會彈起較危險，大約燒7分鐘就食得。非常彈牙嫩腍，唔使醬汁都好味。牛肋條慢火燒15分鐘，再剪細放爐中間燒，入口好香好惹味，肉質扎實有咬口，牛味重同好香。芝士雞肉，就先燒溶芝士，再燒熟雞肉，將雞肉沾芝士食，拉絲之餘，仲好有芝士香味，雞肉亦嫩滑有彈性。魚干要慢慢燒熟，由透明轉至實色，再剪成細條食，味淋好入味，越咬越滋味，好岩配酒。韓式醬油牛舌，薄切快燒熟，好爽口好入味，食唔停口。芥醬牛肩脊，脂肪分佈平均，較有口感，肉味濃，油香幾足。原
先送上套餐，有鮑魚、韓風瓷壺醬酒牛肋肉，呢2樣無得要添加，但M5和牛西冷、芝士雞肉、豚肉、比目魚西京燒、味淋魚干、刺身，就可以任點任食。
五點刺身有肥美油潤三文魚、鮮甜嫩滑甜蝦、甘甜脆口希靈魚、嫩腍鮮味帆立貝、彈牙八爪魚。仲有好幾款刺身選擇，都好豐富。
濕式熟成 M5和牛西冷，油脂豐富，經熟成後，牛味濃郁，入口充滿牛脂香，燒熟更顯油潤多肉汁，可以任食太正，我地添左幾次。
餐廳係座位旁有教燒法，非常貼心。鮑魚要燒肉身個邊先，因為燒殼會彈起較危險，大約燒7分鐘就食得。非常彈牙嫩腍，唔使醬汁都好味。牛肋條慢火燒15分鐘，再剪細放爐中間燒，入口好香好惹味，肉質扎實有咬口，牛味重同好香。
芝士雞肉，就先燒溶芝士，再燒熟雞肉，將雞肉沾芝士食，拉絲之餘，仲好有芝士香味，雞肉亦嫩滑有彈性。魚干要慢慢燒熟，由透明轉至實色，再剪成細條食，味淋好入味，越咬越滋味，好岩配酒。
韓式醬油牛舌，薄切快燒熟，好爽口好入味，食唔停口。芥醬牛肩脊，脂肪分佈平均，較有口感，肉味濃，油香幾足。原味牛板腱，較嫩腍柔軟，食到牛原味，加鹽燒已經夠味。
海鮮選擇多，也好豐富，蠔、蝦、帶子、螺……都有，好超值。蠔夠大隻，飽滿脹卜卜，肥美嫩口。帶子大粒又爽彈。蝦肉味濃又彈牙，燒過的味道更香濃。比目魚要在爐中加油，再慢火燒至甘香，不可不停翻動，約每面燒4分鐘，睇下燒得幾靚。魚肉超級滑溜，肉質細膩亦唔腥，味道帶甜好正。
另外，仲有牛油粟米、黑松露雜菌、牛油金菇，3款都好滋味，牛油超香，松露亦較少有係放題，感覺好正。
揚物同麵食都有數款，炸蝦超正，估唔到炸衣仲好脆身，蝦肉嫩。而蝦多士也彈牙，炸得香口。
甜品有蛋糕同甜點，但燒到熱辣辣，都係雪糕較降溫，特別係有榴槤雪條，好香好甜美，令人回味。炸芋丸同炸芝士都必點，唔會好膩，讚。飲品款式有10多款，2個雪櫃全取任飲，好耐冇飲荔枝爽，清涼解膩又甜，可樂雖多汽易飽，但食燒肉不可決少呢d有汽飲品。
性價比高，而且星期一至日的午市都有買一送一，非常抵食，食物質素好，選擇多。服務貼心，會講解點餐流程，介紹燒法。燒完亦唔會好大陣味，抽油煙同冷氣都充足。
Post
