258
5
32
1-min walk from Exit B3, Mong Kok MTR Station continue reading
Telephone
61448242 (Whatsapp)
Introduction
This Japanese-style restaurant offers a variety of all you can eat sets, focusing on roasted meat buffet. Some sets even include sashimi buffet and aging beef sirloin. continue reading
Opening Hours
Today
12:00 - 22:00
Mon - Sun
12:00 - 22:00
Payment Methods
Visa Master AlipayHK Alipay Cash Octopus
Other Info
Online Reservation
10% Service Charge
Spot payment
About Reward Scheme
Signature Dishes
刺身盛合 濕式。熟成極上牛西冷 蟹味味噌甲羅燒 味淋魚乾 韓風瓷壺醬油牛肋肉
Review (319)
朋友與我被五光十色的夾公仔機吸引走進商場小巷,無意看到臨立在角落我燒肉放題餐廳,將近晚餐時間一於試一試。餐廳有四款套餐供選擇,每款套餐所包含之食物種類、等級及用餐時間有所不同,我倆決定挑選「霞」套餐,當然當中包括想品嚐的燒鮑魚。 餐廳燈光通明,枱面及地面光滑反亮,主要以紅金色為主,部分卡位更有日式門簾及屏風,整潔之餘帶有日本風,整體讓我舒適放心。自選食物只需掃二維碼便可任意下單,醬汁可於自調醬汁區自行調配,除了提供豉油與山葵外,還有燒肉汁、酸汁、山葵汁及沙律醬。而飲品大約有18款,一眼看到有無糖綠茶的我便立即取走,而雪糕有朱古力脆片、雪條及雪糕杯三款,可算麻雀雖小,五臟俱全。「霞」套餐限定之食材一併呈上,包括熟成M5和牛西冷、Mozzarella 芝士雞腿肉、韓風瓷壺醬油牛肋肉、米澤三元豚肉、鮑魚、味淋魚干、比目魚西京燒、五色刺身盛合。而其中五款燒物有獨有燒烤方法與技巧,小貼士已張貼在此,方便參閱,枱上還放有胡椒、鹽及油供享用。套餐限定食材中較喜愛以下數款:魚塊大小如手掌,落鐵板前先加油以免黏板,由於魚肉熟後較易鬆散,所以以慢火先把魚皮落板燒,大約3-4分鐘燒魚肉一面。魚皮達至脆皮效果,魚肉鬆軟軟滑,不但不帶雪藏味,還有比目魚獨有忌廉味道,非常適合板煎烹調。小貼士提示不可直接燒殼,以免殼加熱後飛彈發生危險,所以只燒肉一面,由於大火燒導致燻黑表面,但無阻鮑魚肉質,肉質尚算爽口彈牙厚身,帶有淡然鮑魚香,咬下時滾燙煙霧散出,重點鮑魚肉與殼相連,殼並非裝飾擺設。第一輪限定西冷完塊呈上,大約被分成八片,稍後自行再加追只有半塊四片,咋看油花分布尚算平均,但部分紅肉有稍稍變色情況,由於西冷肉質較實在且薄切,所以煎熟時間相對可較短。熟後牛肉尚算軟腍,略嫌牛鮮味不大明顯,沾上燒肉汁可增加惹味感。欣賞連旁邊的配菜也得重視,杏鮑菇被搽上薄薄的一層蒜茸牛油,小小的心絲足以令杏鮑菇帶有輕牛油香與蒜茸的惹味,亦增加其濕潤度。包括八爪魚、三文魚、北寄貝、帶子及牡丹蝦刺身,五款中較喜歡八爪魚及牡丹蝦,少有放題中八爪魚刺身爽口易咬開,而牡丹蝦清爽嫩滑並帶有鮮蝦香。五款中其中帶子及三文魚可自行再點選,其他均屬套餐限定。在自選中則較喜歡以下食物:熱後沙爹醬溶於2隻肥美廣島蠔中,鐵盤盛載蠔汁不但能平均稀釋沙爹,還可增加蠔肉濕潤度,甜中帶少許花生味出奇地與生蠔頗合襯。薄薄的牛肉片尚算軟嫩,帶有少許牛鮮味,沾上燒肉汁更惹味,而沾酸汁可低去油膩感。最後無論有多飽甜品總不能少,點選了Browie及香蕉冰卷試試,Browie有輕朱古力味,偶有品嚐到朱古力粒,但略嫌濕潤度不足,質感有如較實在的蛋糕。香蕉冰卷擁有透明煙韌外皮,包裏著蓉餡,餡料清淡味道似奶皇餡多於香蕉餡。但兩者整體味道口感不俗。—整體評語:食物-燒物肉類尚算新鮮無雪藏味,而且主要為小件薄切,可減慢飽肚程度,而且可縮短燒烤時間,在限時中可嘗試更多款式的食物,但某些食物如牛舌及帶子刺身因太薄未能吃出其質感,牛肉鮮味亦可能因厚度而未能突出,不同味道的醬汁(酸、辣、甜及咸)大大提升了食物的惹味度。.服務-雖然咋看服務員只有兩人,但亦會份外留意客人需要,提供即時幫助,朋友與我對於落單存有疑問,亦即時協助解決。落單後15分鐘倆便可呈上食物,亦不未有走單情況。.衛生-衛生程度十分理想,甫進餐廳已看到地面與枱面光亮反射,所使用的餐具、杯碗與用具也乾淨整潔,唯放在枱面的油樽油膩與胡椒容器蓋留有胡椒碎屑.環境-環境舒適寧靜,屏風與擋板分開每一組卡位,不會看到鄰座臉孔亦聽不到鄰座對話。.抵食-套餐價格豐儉由人,由$198至$668不等,包含之食物種類亦各有喜好,平日與假日價格亦有所不同,可以選擇最適合自己的套餐品嚐。 continue reading
(The above review is the personal opinion of a user which does not represent OpenRice's point of view.)
Level4 2021-07-21
431 views
見到Top有間午市燒肉放題 就想入去試試 點知原來午餐有買一送一優惠 真係好抵 就揀左「霞」套餐試試 時間係兩小時任飲任食一開始店員會好細心教你使用個爐 又會話俾你知啲醬料同野飲擺位一開始會上個刺身盛合有希靈魚、三文魚、北寄貝、帶子、甜蝦同鮑魚片 刺身整體上都好新鮮 完全唔腥 仲有鮮甜味熟成m5和牛西冷見到個樣都幾靚仔 食到去都有牛味 易咬開 唔韌牛類仲有好多揀 一口牛粒 牛舌等等 推薦口舌 有口感 幾香口🤩頭盤仲有比目魚 食落甜甜地 醃得好夠味😍中意 另外又有醬汁牛肋肉條 鮑魚 芝士雞肉同豬肉雞冇雪味 食落幾滑 豬肉唔太肥 調味好夠😍牛鮑魚一開始有2隻 唔夠可以再encho 🥰😋羊架方面都好大件 雖然偏肥 我只食中間舊瘦肉😛羊唔算羶 食得過 原味豚拖羅豚拖羅既肥瘦適中 不過佢個原味係比其他有醬料既款式調味偏淡多春魚依一款就平平凡凡 冇咩特別驚喜 不過都冇咩魚腥味 可以一試香草墨魚仔調味都幾足夠 係食落幾香口同令人開胃既小食黑糖蕃薯燒依一款好似食日本便當個啲小食 的確係幾有黑糖既香甜味道炸物方面叫左蝦多士 紫薯波波 芝士波波同蝦多士 全部都係新鮮炸起熱辣辣😏特別推芝士波波 車打芝士味非常濃😍😍好正扇貝細細隻既 食落肉都有鮮味 唔太需要醬汁都可以雞泡魚乾輕輕烤過之後都幾好味 不過呢一類魚乾都係比較硬食 建議切得細快少少先食酒煮蜆包喺錫紙兜度燒完感覺好香酒味 蜆乾淨冇沙 如果調味重手返少少就好鮑魚燒咗嘅鮑魚好香 完全唔會有有陣時鮑魚會出現嘅腥臭味 蔬菜類牛油粟米夠曬香甜 菇就調味適中 南瓜同番薯就冇乜特別甜品叫左朱古力泡芺同brownie 食完餐放題食兩粒小甜點 好滿足🥰 continue reading
(The above review is the personal opinion of a user which does not represent OpenRice's point of view.)
Level4 2021-06-06
3682 views
星期五晏晝想食好啲,去咗T.O.P搵食,見到呢間燒肉店2小時任食放題做緊買一送一優惠,就揀咗食《霞》任食套餐$418,有刺身、M5熟成和牛、其他肉類、海洋、蔬菜、麵食、甜品任食。坐低不久,店員就送上頭盤,有刺身拼盤、一塊M5熟成和牛、牛肋肉、鮑魚、芝士雞肉、豚肉、比目魚西京燒。食完頭款之後可以用QR code自己任點其他食物。先講刺身,頭盤嘅拼盤有兩隻大牡丹蝦,非常新鮮,蝦頭蝦膏鮮味,呢個就冇得任食。其他任點刺身有三文魚、吞拿魚、希靈魚、八爪魚、帶子、馬刀貝、甜蝦。全部都新鮮,質素OK。肉類方面,我覺得可以專攻食M5熟成和牛,牛味香濃,油脂豐富,肉質鬆軟,可以任食真係抵,食幾塊就覺得超值。另外芝士雞肉都好好食,雞肉鮮嫩多汁,沾上拉絲嘅邪惡芝士醬,鹹香,口感綿綿,正。海鮮方面非常吸引,除咗頭盤嗰隻鮮鮑魚同埋比目魚西京燒,其他海鮮都係任食,我哋叫咗扇貝、廣島蠔、大蝦、青口、清酒煮蜆、花螺、多春魚。其中我最鍾意燒鮑魚爽得來稔滑,比目魚肉質鮮嫩,燒大蝦爽口,多春魚甘香。炸物方面,我專攻大蝦天婦羅,天婦羅炸粉厚度恰到好處,蝦肉鮮嫩,又爽又滑,點上天婦羅汁,好味。另外仲有一個香芋球都好好味,出邊炸得酥脆金黃,包住煙韌軟糯嘅類似煎堆,入面是香甜嘅芋頭蓉餡料,可以用來做甜品。甜品方面,有幾款小點心,朱古力布朗尼、原味泡芙、朱古力泡芙、紅豆卷、香蕉小卷、水晶包。小點心細細件,可以食多幾款。另外雪糕、雪條、飲品可以出去雪櫃自己拎,有多款韓國雪條同埋雀巢杯裝雪糕,實有一款啱心水。 continue reading
(The above review is the personal opinion of a user which does not represent OpenRice's point of view.)
Level4 2021-05-29
2148 views
今日又去左食好嘢哇而家呢間嘅放題做緊買一送一真係抵到笑呀我今日食嘅呢個放題set有:M5和牛西冷🥩雞泡魚干西京比目魚鮑魚牛肋骨仲有好多肉類、海鮮、甜品任食!而且環境仲非常之乾淨衛生「M5和牛西冷」牛味好濃,肉質軟腍鬆化仲可以無限添加「西京比目魚」魚質細嫩軟滑我仲燒到魚皮有啲香特別好味!「燒雞泡魚干」呢度竟然有魚干可以自己燒!真係第一次自己燒魚干,好容易掌握,仲燒得好好味仲有「豚肉腩」、「番薯仔」、「香芋丸」、「辣螺肉」都要ᴇɴᴄᴏʀᴇ再ᴇɴᴄᴏʀᴇ😍😍啲前菜一啲都唔馬虎泡菜&辣螺肉都係必食的!雖然燒雞翼我好鍾意食,但係火候實在難控制鐵板太熱了,燒焦哂都未熟!Brownie唔會太甜,而且仲好濃朱古力味添食到有啲朱古力粒泡芙都唔錯,中間既忌廉唔會好膩,夠哂滑最尾再食返支雪條呢間放題燒肉真係好正!埋單每人都只係$250咋 continue reading
(The above review is the personal opinion of a user which does not represent OpenRice's point of view.)
衣家好多放題,識揀就緊係揀多種類號食啦😅 今日去左八木橋食午餐放題,有剌身,又有燒肉👍最重要係。。。衣家買一送一,真係超抵食👏👏👏 兩小時任飲任食,想吾肥都難😛 入座後店員好有禮貌,蹲下解釋流程,又教牛肋條肉要燒一陣,然後剪開,就可以燒得香而不會過火,今時今日嘅服務態度,要讚👍😍 先上個季節剌身盛合 有赤海蝦,三文魚,油甘魚,馬刀貝,希靈魚,仲有帶子剌身😍 我食左三個round 剌身,先開始食燒肉😅 熟成M5和牛西冷大大塊,但先幫我地剪開,細心👍 頭盤肉瓷壺醬汁牛肋肉依著店員指導,燒得真好,醃得又夠味,有嚼口😋😋😋 比目魚西京燒啖啖肉再加個甜甜地既照燒汁, 令到魚味更濃,既嫩且香😍 燒肉品種真不少,我order左肩脊肉,一口牛,牛舌,牛胸腹,牛板腱。。。 燒完肉再燒海鮮扇貝,虎蝦,廣島蠔,黃金螺,多春魚。。。 燒鮑魚,冇得輸,放落鐵板時還會郁呢~新鮮👍 食下食下,吾覺吾覺,已經食左好多呢😛 好在食甜品有另一個胃呢😍😅明月冰卷,香蕉冰卷,綠豆和果子,樣樣都好好味,啲皮很綿糯,煙煙韌韌,好正👍仲有雲呢拿泡芙添,真係sweet ending 😍 真係好抵食,兩個人都吾使五百蚊,真係化算👍😅👏👏👏 continue reading
(The above review is the personal opinion of a user which does not represent OpenRice's point of view.)