Video
Read full review
2021-04-01
195 views
抗疫期間，少左出街，連食好野嘅機會都少左，諗諗下都好耐無食過放題燒肉，最近網上發現旺角TOP開左一間新開嘅燒肉店，like 社交平台專頁同係短片留言「買一送一」可有買一送一優惠架，平均一位都係＄250左右，又點可以唔試下呢？餐廳感覺企理乾淨，座位都相當舒適，餐牌上有4個選擇，分別係「雪、雲、霞、雨」，價錢介乎$198至$668，星期五至日只係要俾多＄20。既然咁抵食，我地當然揀左依加做緊優惠嘅「霞」啦！餐廳係用QR Code落單，環保之餘係疫情下仲令客人感到更安心。上菜速度都算幾快，亦無咩漏單情況出現。「霞」餐主打食物有「濕式•熟成極上牛西冷」、「 mozzarella 芝士雞腿肉」、 「重韓風瓷壺醬油牛肋肉」、 「米澤三元豚肉」、「珍寶北寄貝」、「味淋魚乾」、「比目魚西京燒」同埋「五式刺身盛合」。除此之外，仲有各式各樣嘅沙律、揚物、天婦羅、牛、海鮮同埋麵食。濕式•熟成極上牛西冷：牛肉都幾大塊，紋路好靚，食落肉質嫩滑，入口juicy。mozzarella 芝士雞腿肉：雞腿肉同芝士係分開上，絕對適合同檯一個芝士控另一個唔食芝士嘅我地。韓風瓷壺醬油牛肋肉：牛肋肉切得都幾厚，肉質算鮮嫩，由於
餐廳感覺企理乾淨，座位都相當舒適，餐牌上有4個選擇，分別係「雪、雲、霞、雨」，價錢介乎$198至$668，星期五至日只係要俾多＄20。
既然咁抵食，我地當然揀左依加做緊優惠嘅「霞」啦！
餐廳係用QR Code落單，環保之餘係疫情下仲令客人感到更安心。上菜速度都算幾快，亦無咩漏單情況出現。
「霞」餐主打食物有「濕式•熟成極上牛西冷」、「 mozzarella 芝士雞腿肉」、 「重韓風瓷壺醬油牛肋肉」、 「米澤三元豚肉」、「珍寶北寄貝」、「味淋魚乾」、「比目魚西京燒」同埋「五式刺身盛合」。除此之外，仲有各式各樣嘅沙律、揚物、天婦羅、牛、海鮮同埋麵食。
濕式•熟成極上牛西冷：牛肉都幾大塊，紋路好靚，食落肉質嫩滑，入口juicy。
mozzarella 芝士雞腿肉：
雞腿肉同芝士係分開上，絕對適合同檯一個芝士控另一個唔食芝士嘅我地。
韓風瓷壺醬油牛肋肉：
牛肋肉切得都幾厚，肉質算鮮嫩，由於事先用醬油浸住，所以入口甘甜香味，唔錯。
米澤三元豚肉：豚肉脂肪少，肉質柔嫩甘甜。
比目魚西京燒：
比目魚燒完有好豐富嘅油脂，魚油香味十足，味道清甜，入口外脆內嫩滑 ，配埋佢嘅醬汁簡直係perfect。
珍寶北寄貝：
珍寶北寄貝超大隻，入口鮮甜。
味淋魚乾：
味淋魚乾無骨，入口香脆惹味。
五式刺身盛合：呢個刺身盛合係一次性嘅，如果想encore就要加錢。
五式刺身分別有甜蝦、三文魚、希靈魚、帶子同埋吞拿魚。刺身切得算厚，賣相唔錯，顏色鮮艷，入口都相當鮮甜。
海鮮方面有鮑魚、蝦丶墨魚仔丶蠔丶鯖魚、蜆等等。
除此之外仲有各式各樣嘅熟食，好似沙律，烏冬，天婦羅等等。炸得脆卜卜，又唔太油膩，最值得一讚係食物可以一件一件叫，食到幾多叫幾多，可以試到唔同嘅野食。
甜品方面仲好多選擇，好似雪糕雪條，朱古力泡芙，brownies等等。
飲品方面有各式各樣嘅汽水同茶，有糖無糖咩都有。
Post
