源記茶餐廳 (Closed)

週末走在九龍城的街上, 唔覺唔覺這幾條街的餐廳其實已經換咗不少了, 而舊式茶餐廳更所剩無幾,走到候王道尾發現一間頗舊式茶餐廳, 入內見廳面跟坐位闊落, 感覺有點似紅磡的”文華冰廳” 應該都係自已鋪多了, 再看一下茶餐咩價錢, 除咗個"芝士咸牛肉治"係$28之外全部超過30蚊, 就叫最普通的花生醬西多士加凍奶茶加多兩蚊變成$34其實都幾貴下, 西多以豪邁的後現代手法展現於膠碟上, 蛋漿不太感覺有蛋香即使這是用滾油烤出來的, 花生醬就點都會有花生香味的, 牛油好明顯感受到點樣hi上去吧! 凍奶茶夠凍似乎以現今角度來說是做到了, 奶同茶比例不能太高要求了, 一切就交由糖漿去混和吧!坐收銀枱的是一個老婆婆, 想必都應該是這店的事頭婆啦! 將一生嘅時間放在這店上, 現在交給後生的一代去經營, 但似乎後生的又沒太多點子只是因循舊時嗰套, 賣的也是跟舊時的一樣除咗價錢跟足通漲之外, 我好生懷疑這種店還能做多久呢? 唔係話間間都要好似中環”蘭芳園”那樣走分店企業化, 因為即使蘭芳園那樣做也不見得她在擴充版圖的同時能好好地實行企業管理, 始終做一間似模似樣唔等於每一間都能保持同一水準! 但唔諗創新或者做