Wheatfield X 羅宋湯專門店 (青衣城) (Closed)

第三次食，第一次係外賣羅宋湯已經覺得個湯好足料。第二次去就加手打烏冬，羅宋湯一樣好味，辣辣地好香口，蘿蔔同埋菜都夠多好，加個面就可以當一餐飽肚。今次午餐時候食，一樣手打烏冬配羅宋湯。今次食豬髀肉但係覺得上次牛腩好味啲，因為豬脾得兩塊，味道唔係好夾。牛腩有三四舊。另外朋友食撈麵但係比較鹹，味道都OK。另外再加奶油豬個包唔係空氣包，好有質感，奶油勁多。飲品叫咗西柚蘆薈茶，好香茶味唔係太甜抵飲。雖然價錢比較貴，但質素好，總括一定會來食。