火土燒肉

食物質素唔錯，但個人認為貴得唔合理。又不過咁…價錢嘅野真係因人而異，所以不多作評論。餐廳以露營為主題，呢樣亦都係致命傷，特別係腳長嘅朋友要留意！枱、凳都非常矮，坐得好唔舒服，令大家真係有露營嘅感覺！雖然佢哋有提供較為高嘅凳，但係同張枱完全唔match，要彎住腰食都幾辛苦。Waiter亦唔多醒目，本身仲有野食未嚟齊，見我地個爐冇野就無啦啦開始收餐具，講左話仲有野食未到，轉頭又再收多次餐具-.-另外，原來諗住比個少少驚喜生日主角，點知waiter突然走過嚟問: 「嗰個…嘢，係咪上得喇？」唉！食物幾好食，但間餐廳冇乜溫度，7個人食埋單近$3,000。