Video
Read full review
2025-04-14
86 views
鋸開有條癮近排朋友帶咗我去啲舊式餐廳鋸扒嗰浸細細個去沙x美既風味返晒嚟😍然後就去搵吓啲鋸扒好去處金魚婆成日行去金魚街成日都會經過一間裝潢獨特嘅港式餐廳 原來佢正正就係食鋸扒有一日買完魚之後就走咗入去🤣🤣一入到去你會有一種俾佢嘅裝潢吸引到想喺每一個小角落尋寶睇吓有冇啲舊式香港回憶 📸一行二人，叫咗兩個餐眼闊肚窄又貪心嘅人 次次去鋸扒餐廳基本上都會叫佢嘅雜扒 主打一個乜都有唔使煩😝呢度有個金翠巨人雜扒餐$188入邊有豬扒雞扒牛仔骨司華力腸煙肉煎蛋，呢個餐仲免費可以升級做紅豆冰同埋包餐包餐湯蟹籽先過沙律甜品飲品，一次過滿足晒你嘅願望😚先打頭陣嘅係佢哋嘅餐包，熱辣辣好軟熟餐湯可以揀紅湯或者白湯，用埋啱先嘅餐包點住一齊食，唔係Hea你喎，掂架喎！醬汁可以揀黑椒汁同蒜蓉汁可以揀鐵板或者跟碟上，侍應會親自過嚟淋汁，嗰種熱辣辣吱吱喳喳不得了！雜扒嘅質素唔錯，牛仔骨唔會太肥有d肉地，豬扒既厚度有驚喜，雞扒惹味香脆，淨係視覺都會被滿足！配菜有啲蔬菜同薯條，煎蛋煙肉司華力腸，好豐富！另外我哋叫咗個晚餐套餐，芝士焗龍蝦海鮮飯，誠意滿滿嘅芝士焗飯講緊係半隻爆膏波士頓龍蝦放落去，其他海鮮配料份量亦十足，炒底焗飯，
近排朋友帶咗我去啲舊式餐廳鋸扒
嗰浸細細個去沙x美既風味返晒嚟😍
然後就去搵吓啲鋸扒好去處
金魚婆成日行去金魚街成日都會經過一間
裝潢獨特嘅港式餐廳
原來佢正正就係食鋸扒
有一日買完魚之後就走咗入去🤣🤣
一入到去你會有一種俾佢嘅裝潢吸引到想喺每一個小角落尋寶睇吓有冇啲舊式香港回憶 📸
一行二人，叫咗兩個餐
眼闊肚窄又貪心嘅人 次次去鋸扒餐廳基本上都會叫佢嘅雜扒 主打一個乜都有唔使煩😝
呢度有個金翠巨人雜扒餐$188
入邊有豬扒雞扒牛仔骨司華力腸煙肉煎蛋，呢個餐仲免費可以升級做紅豆冰同埋包餐包餐湯蟹籽先過沙律甜品飲品，一次過滿足晒你嘅願望😚
先打頭陣嘅係佢哋嘅餐包，熱辣辣好軟熟
餐湯可以揀紅湯或者白湯，用埋啱先嘅餐包點住一齊食，唔係Hea你喎，掂架喎！
醬汁可以揀黑椒汁同蒜蓉汁可以揀鐵板或者跟碟上，侍應會親自過嚟淋汁，嗰種熱辣辣吱吱喳喳不得了！
雜扒嘅質素唔錯，牛仔骨唔會太肥有d肉地，豬扒既厚度有驚喜，雞扒惹味香脆，淨係視覺都會被滿足！配菜有啲蔬菜同薯條，煎蛋煙肉司華力腸，好豐富！
另外我哋叫咗個晚餐套餐，
芝士焗龍蝦海鮮飯，誠意滿滿嘅芝士焗飯
講緊係半隻爆膏波士頓龍蝦放落去，其他海鮮配料份量亦十足，炒底焗飯，拉絲芝士，絕配！
晚餐套餐同樣有餐湯餐包嘢飲！
嗰隻舊式情懷，但翻新咗嘅餐廳環境，要比讚，不論係本土香港人定係遊客嚟到都應該覺得特色滿滿👍👍
金翠餐廳(香港)
地址: 香港太子彌敦道749號地舖
電話: +852 23983232
#金翠餐廳 #鋸扒 #鐵板 #太子美食
Post
