Video
Read full review
2024-05-06
60 views
有親友從國內來旅遊，我帶佢哋去銅鑼灣行街買嘢，之後去咗食泰日放題。瀛豐放題料理專門店裝修時尚，座位寬敞。放題任食逾180款日式及泰式美食，包括刺身、壽司、天婦羅、泰式小食、甜品等。另外亦可升級加配海鮮、海膽帶子及啤酒。升級食物同啤酒都是任飲任食的。海鮮拼盤砌得相當精緻又名貴，海鮮都好新鮮，有松葉蟹腳、鮑魚、凍蝦、翡翠螺、青口都好鮮甜，最特別係有魚子醬，用圓形嘅盒裝載更顯得矜貴，食落有鹹香又有鮮味。海膽帶子：用刺身帶子釀入海膽，海膽新鮮有光澤，鮮甜柔滑，甘香清甜。刺身拼盤擺設得都好精美，大大隻赤蝦爽甜，三文魚、希靈魚、油甘魚肥美，魚油甘香。八爪魚、鮑片、赤貝、馬刀貝、北海道角螺爽口。蟲草花燉湯好足料，味道香濃鮮甜，十分滋補。壽司即叫即做，原條穴子壽司：穴子係海鰻嘅一種，比鰻魚口感更結實，魚嘅鮮味亦較明顯。三文魚火炙壽司、海膽醬火炙三文魚壽司：三文魚輕輕炙燒後帶出馥郁香氣，令魚油更出，加入不同醬料更增添不少風味。其他火炙芝士魚生船、一口鰻魚、牛油赤海蝦壽司亦各有特色，十分美味！大蝦天婦羅、日本薯仔天婦羅、溫室南瓜天婦羅、皇帝蟹棒天婦羅，天婦羅都非常香酥鬆脆，不會油膩。燒秋刀魚外皮香脆，魚肉
瀛豐放題料理專門店裝修時尚，座位寬敞。放題任食逾180款日式及泰式美食，包括刺身、壽司、天婦羅、泰式小食、甜品等。
另外亦可升級加配海鮮、海膽帶子及啤酒。升級食物同啤酒都是任飲任食的。
海鮮拼盤砌得相當精緻又名貴，海鮮都好新鮮，有松葉蟹腳、鮑魚、凍蝦、翡翠螺、青口都好鮮甜，最特別係有魚子醬，用圓形嘅盒裝載更顯得矜貴，食落有鹹香又有鮮味。
海膽帶子：用刺身帶子釀入海膽，海膽新鮮有光澤，鮮甜柔滑，甘香清甜。
刺身拼盤擺設得都好精美，大大隻赤蝦爽甜，三文魚、希靈魚、油甘魚肥美，魚油甘香。八爪魚、鮑片、赤貝、馬刀貝、北海道角螺爽口。
蟲草花燉湯好足料，味道香濃鮮甜，十分滋補。
壽司即叫即做，原條穴子壽司：穴子係海鰻嘅一種，比鰻魚口感更結實，魚嘅鮮味亦較明顯。
三文魚火炙壽司、海膽醬火炙三文魚壽司：三文魚輕輕炙燒後帶出馥郁香氣，令魚油更出，加入不同醬料更增添不少風味。
其他火炙芝士魚生船、一口鰻魚、牛油赤海蝦壽司亦各有特色，十分美味！
大蝦天婦羅、日本薯仔天婦羅、溫室南瓜天婦羅、皇帝蟹棒天婦羅，天婦羅都非常香酥鬆脆，不會油膩。
燒秋刀魚外皮香脆，魚肉濕潤多汁，散發着魚脂豐腴。
泰式燒元貝、泰式燒生蠔都燒得好香，泰式係多咗小小辣味，更添惹味。
鹽燒三文魚，魚脂甘香，魚肉鮮甜。
芝麻炸雞翼用咗雞中翼，皮脆肉嫩。
炸榴連波波：一咬開即流出榴槤漿，榴槤味濃，外層是煙韌的糯米粉，外脆內軟。
松葉蟹杯：蟹肉和蟹膏非常鮮甜。
燒菠蘿甜美多汁。
甜品款式都不少，蛋糕、奶凍、啫喱、雪條雪糕等。呢啲係自助任食。
升級還有自助生啤，放上個杯之後，要㩒住隻杯落部機上，啤酒會從底部注入杯內，記得呢個係任飲架！
Post
